- Білім & Ғылым
- 24 Маусым, 2020
Жаңаша оқыту – өркениет бастауы
Алматы мектептері оқу жылын онлайн режимде сәтті аяқтады. Осыған орай, алып шаһарда 260 000 оқушы қашықтықтан білім алуға көшкен болатын.
Білім беру мекемелері үшін Microsoft Office 365 A1 тегін қызметі аясында оқушылар Word, Excel, PowerPoint, OneNote цифрлық жазба кітапшалары, OneDrive бұлттық файл қоймасы, сондай-ақ білім беру үшін Teams сияқты бағдарламалардың веб-нұсқаларын тегін пайдаланады. Оқытушылар жаңа цифрлық өнімдерді тиімді пайдалану үшін Microsoft Қазақстан мамандары цифрландыру басқармасымен, Алматы қаласы Білім басқармасының Қалалық білім берудегі жаңа технологиялардың орталығымен бірлесіп мектептерде қашықтықтан оқытуды ұйымдастырумен айналысатын аудандар мен қала мектептерінің жауапты тұлғалары үшін арнайы онлайн тренингтер өткізді. Онлайн-тренингтерге 600-ден астам адам қатысты. Оқу орындарына толыққанды қолдау көрсету және сұрақтарға жедел жауап беру үшін онлайн қолдау жедел желісі құрылды. «Microsoft Қазақстан өтеусіз негізде ұсынған білім беру шешімдері өткен оқу жылының төртінші тоқсанында қашықтықтан оқытуды ұйымдастыруға қолдан келген көмегін көрсетті. Ұсынылған шешімдер оқытудағы жоғары тиімділігі мен ыңғайлылығын көрсетті», – деп атап өтті Алматы қаласы Білім басқармасының қалалық білім берудегі жаңа технологиялар орталығының директоры Андрей Дупик. «Біз елдегі әрбір оқу орнына, әрбір оқытушы мен оқушыға озық технологиялардың көмегімен үздік жетістіктерге қол жеткізуге көмектесу үшін Қазақстанның білім беру саласын цифрландыруға өз үлесімізді қосуға дайынбыз және қуаныштымыз. Осы мақсаттарға қол жеткізу үшін бүгінгі күні оқытушылар мен оқушылардың цифрлық құзыреттілігін арттыру және оқыту мәселелеріне назар аудару өте маңызды. Бұл бағдарламалардың барлығы қашықтан оқыту кезінде ғана емес, сонымен қатар тұрақты оқыту кезінде де пайдалы – оқушылар оқытушылармен және бір-бірімен кез келген уақытта сөйлеседі, файлдармен, жобалармен және тапсырмалармен бірге жұмыс істейді. Біз алдағы уақытта да мұғалімдерге білім беру үдерісінде цифрлық технологияларды белсенді пайдалануға көмектесуге дайынбыз», – деп атап өтті Microsoft менеджері, Қазақстандағы және ТМД елдеріндегі білім беру секторымен жұмыс жөніндегі жетекшісі Нұрлан Жаныбек. Жақын арада Алматы қаласының барлық мектептерін кезеңдік дамыту және білім беру үшін Microsoft технологиясы негізінде бірыңғай және қауіпсіз цифрлық платформаға көшіру жоспарланып отыр. Бұл мұғалімдерге оқытуда дербестендірілген көзқарасты дамытуға және әрбір оқушының шығармашылық әлеуетін ашуға, балалардың командалық жұмысын ынталандыруға мүмкіндік береді. Мамандандырылған мектептерде бұл балаларды бағдарламалау дағдыларына оқыту сапасын арттыру, сондай-ақ білім берудегі ойын процесі арқылы жаратылыстану ғылымдарын зерделеу үшін қосымша мүмкіндік болып табылады. Білім беру үдерістерінен басқа мектеп әкімшілігі қызметкерлер арасындағы операциялық қызмет пен коммуникациялардағы күнделікті процестерді айтарлықтай оңтайландыра алады, сонымен қатар мектеп бойынша аналитика мен мәліметтерді басқара алады. Өз кезегінде қаланың білім басқармасы барлық аудандармен және мектептермен үйлестіруді оңтайландыра алады, сондай-ақ қажетті құнды аналитикалық есептер мен деректерді кез келген уақытта әр мектеп аясында жеке және қаланың барлық мектептері бойынша бірге ала алады. Сонымен қатар қала мектептерінің барлық мұғалімдері мен әкімшілік-басқару қызметкерлерін цифрлық қосымшаларды білім беруде қолдануы, сондай-ақ оқу орындарының операциялық қызметінде пайдалану үшін оқыту жоспарлануда. Цифрлық қосымшалардың мүмкіндіктерін жүйелі қолдануды дамыту мұғалімдердің цифрлық дағдылары мен іскерліктерін арттырады, білім беруді инклюзивті және сапалы етеді, сондай-ақ оқушыларға болашақ мамандығына қажетті дағдыларды алуға көмектеседі. Естеріңізге сала кетейік, таяуда қазақстандық оқушылар Microsoft Teams платформасында «Менің Отаным» тақырыбында ағылшын тілінің халықаралық онлайн-сабағына қатысты. Сабаққа 6 елден (Қазақстан, Косово, Грузия, Латвия, Болгария және Әзербайжан) 100-ден астам бала қатысты. Алматы қаласының И.В.Панфилов атындағы Қазақстан-ресей мамандандырылған №54 мектеп-лицейінің мұғалімдері мен оқушылары Қазақстанды ағылшын тілінде лайықты және жоғары деңгейде таныстырды. Сабақты өткізудің осы форматы Microsoft Teams платформасының түрлі елдердің мектептері мен оқушылары арасындағы халықаралық білім алмасуын дамытудағы мүмкіндіктерін көрсетті.
Нұрлан ҚҰМАР
473 рет
көрсетілді0
пікір