- Ақпарат
- 02 Қыркүйек, 2020
Татарстаннан гуманитарлық көмек жетті
Таяуда «Добро-Соседство» акциясы аясында елімізге Ресейдің Қазан және Орынбор қалаларынан гуманитарлық көмектің жаңа партиясы жетті.
Гуманитарлық көмектің жаңа партиясын Алматы қаласына Татарстан мен Орынбордың «Институт исследований Центральной Азии» және «Содружество народов Евразии» коммерциялық емес ұйымдары бірлесіп жіберді.
«Институт исследований Центральной Азии» коммерциялық емес ұйымының атқарушы директоры Марат Сафинның айтуынша, Қазан және Орынбор Қазақстанға 9 мың медициналық бетперде, 2 мың медициналық қолғап және 1 мыңнан астам антисептик жіберуде.
Алматы қаласында гуманитарлық жүкті Ә.Х.Марғұлан атындағы археология институты қабылдады. Естеріңізге сала кетейік, «Добро-Соседство» акциясы биылғы жылдың шілде айынан бастап іске асырылуда. Акцияның ұйымдастырушылары Ресейдің Астрахань, Екатеринбург, Саратов, Орынбор, Қазан, Уфа қалаларының коммерциялық емес ұйымдары.
Акцияның жалғасуымен байланысты оның географиясы да кеңейді. Тамыз айында ресейлік қоғамшылдар гуманитарлық көмекті Өскемен, Павлодар, Ақтау, Ақсай және Алматы қалаларына жіберуде. Бұл жолы гуманитарлық көмек тізімі қорғаныс костюмдерімен толықтырылды. Жүктің жалпы құны 5,8 миллион теңгеден астам соманы құрайды.
АЙЖАН ЖАСБАТЫРҚЫЗЫ
346 рет
көрсетілді0
пікір