- Қаржы
- 02 Қыркүйек, 2020
Бюджет шығындары 9 трлн теңгеге жеткен
Короновирус індеті талай елдің экономикасына залалын тигізіп қана қоймай, бүкіл қоғамдық құрылымдар мен адамдардың қарапайым тыныс-тіршілігін шайқалтып кеткені рас. Алайда, біраз мемлекеттер қатарында Қазақстанда да халық жағдайына жете көңіл бөлінді. Атап айтқанда, жыл басынан бері жұмсалған шығындардың 55%-ы әлеуметтік көмекке, әлеуметтік қамтамасыз етуге, білім беру мен денсаулық сақтау салаларының еншісінде деп жазады Finprom.kz өзінің сайтында.
2020 жылдың қаңтар-шілдесінде мемлекеттік бюджеттің шығындары, бір жылда 23,8%-ға артып, 8,9 трлн теңгеге жеткен.
Осы шілде айында 1,5 трлн тг жұмсалған, бұл – бұдан бір ай бұрынғыдан 11,4%-ға, ал былтырғы шілдедегіден 23,7%-ға артық (Инфографика).
Жыл басынан бері мемлекет шығындарының неғұрлым көлемді бөлігі әлеуметтік көмек пен әлеуметтік қамтамасыз етуге жұмсалған: 2,2 трлн тг: бір жыл бұрынғыдан 14,2%-ға артық. Шілдеде аталған салалар сегментінің шығындары – маусымдағыдан 3,6%-ға, ал бір жыл бұрынғыдан 15,4%-ға артық – 323,9 млрд тг-ні құраған.
Мемлекет шығындарының білім беру саласы еншісіне 19,4% жұмсалған: бір жыл бұрынғыдан 32,3-ға артық, яғни 1,7 трлн тг бұйырыпты. Шілдеде осы сегментке мемлекет қаржысының 197 млрд тг-сі бөлініпті.
Мемлекет бюджеті шығындарының негізгі бағыттары арасында денсаулық сақтауға бөлінген шығындарды айта кеткен орынды. Жыл басынан бері мұнда 1 трлн тг – бір жыл бұрынғыдан 42,1%-ға көбірек жұмсалған. Осы саланың шығындары шілдеде 130,8 теңгені құрапты – ағымдағы жылдың маусымына қарағанда 9,4%-ға кем.
Жеті айдың қорытындылары бойынша мемлекет бюджетінің шығындары 98,6%-ға, республика бойынша шығындар – 99,1%-ға, жергілікті бюджеттер – 98,5%-ға орындалған деп хабарлайды ҚР Қаржы министрлігі. Қаржы игерілмеуінің негізгі себептері – конкурстық рәсімдеулер мен келісім-шарттар жасау процестерінің ұзақ өткізілуі, орындалған жұмыс актілерінің дер кезінде ұсынылмауы, карантиндік шектеулерге байланысты тауарлардың жеткізілмеуі, іс жүзінде көрсетілген қызметтер көлеміне ақы төлеудегі кемшіліктер (Таблица).
Исатай ҚАМБАРОВ
419 рет
көрсетілді0
пікір