- Ақпарат
- 24 Қыркүйек, 2020
Ұсыныстар толық ескеріледі
22 қыркүйекте Азаматтық қоғамды дамытудың 2020-2025 жылдарға арналған тұжырымдамасын (бірінші кезең) іске асыру жөніндегі іс-шаралар жоспарының жобасы онлайн талқыланды. Жиынға облыстар мен республикалық маңызы бар қалаларда өз қызметін жүзеге асырушы азаматтық қоғам өкілдері қатысты.
Құжат құқықтық реттеу құралдарын нығайтуға және жетілдіруге, азаматтық белсенділікті қолдау мен дамытуға бағытталған. Атап айтқанда, жобада қабылданатын басқарушылық шешімдердің тиімділігін арттыру, мемлекеттік басқарудың ашықтығы мен есептілігін қамтамасыз ету үшін өзара іс-қимыл рәсімдерін, әдістері мен жолдарын сапалы жақсарту жөнінде шараларды қабылдау көзделген. 5 негізгі бөліктен тұратын құжат жобасы 46 іс-шараны қамтиды.
Жоспармен жан-жақты танысып шыққан қатысушылар енгізілген тармақтардың дер кезінде қабылданғанын атап өтіп, осы бағыттағы министрліктің бастамаларына қолдау білдірді.
Кеңесті қорытындылай келе, азаматтық қоғам істері комитетінің төрағасы Мадияр Қожахмет қатысушыларға сындарлы диалог үшін алғысын білдірді.
Осы орайда іс-шаралар жобасының жоспарын мемлекеттік органдар деңгейінде талқылау да жоспарланып отырғанын айта кеткен жөн. Азаматтық сектордың, мемлекеттік органдардың және мүдделі азаматтардың барлық ұсыныстары Азаматтық қоғамды дамыту тұжырымдамасын іске асыру жөніндегі іс-шаралар жоспарында сөзсіз көрініс табады.
1023 рет
көрсетілді0
пікір