- Мәдениет & Спорт
- 29 Қазан, 2020
Ағаш егу – сауапты іс
Алматы журналистері қаладағы жаңадан ашылған Журналистер аллеясына талшын ағашының көшетін отырғызды. Демалыс күніне сәйкес келген шараға 35 басылымнан 50-ден астам журналист қатысып, 200-ге жуық көшет отырғызды.
Жаңа аллея Абай даңғылында Жароков пен Гагарин көшесінің ортасында орналасқан. Журналистер көшеттерді отырғызып, дереу суарды. Жасыл экономика басқармасының мамандары ағаштарды күту ережелерін сипаттайтын парақшалар таратты. Бірінші жылы өсімдік тіршілігінің алғышарты – молынан суару, бұл – жылына 72 рет.
«Біз талшын ағашын таңдадық, өйткені ол – шаһармен байланысты алғашқы Алматы ағашы. Екінші себеп: жер астындағы барлық жерде байланыс бар: инженерлік желілер, су, электр, телефон желілері және тағы басқалары. Бұл аумақ ерекше жағдай емес, ал каштанның тамыры өте қысқа, бар болғаны үш метр. Жалпы, қала экологтардың, «горзеленстрой» мамандарының ұсыныстарын ескере отырып, секторларға аудандастырылған», – деп түсіндірді Алматы қаласы әкімдігінің жасыл экономика басқармасының бастығы Наталья Ливинская.
Бұқаралық ақпарат құралдарының редакциялары өздерінің көшеттеріне маңдайшалар орнатып, тегтерді байлады.
«Алматыда экология проблемасы бар, ағаштар оларды жеңуге көмектеседі, сондықтан мен көшет отырғызу дұрыс деп санаймын. Біздің қала – бақшалар қаласы және біз осы бейнені сақтауымыз керек. Сонымен қатар, ағашты отырғызып, оны ұмытып кетпей, әрі қарай күту және оның тамыр жайғанына көз жеткізу дұрыс болады. Бұл үлкен жауапкершілік», – деді «Atameken Busines» телеарнасының продюсері Роза Утелова.
Журналистердің айтуынша, мұндай игілікті шара қала экологиясының жақсаруына септігін тигізеді, әрі әріптестікті нығайтады.
«Мен әрқашан ағашымды отырғызуды армандайтынмын, ал қазір сондай мүмкіндік туды. Керемет орынды таңдадық, аллея әдемі болып шықты. Олар өскенде, менің ойымша, келесі күзде бұл жерде өте әдемі болады. Мен оны күтіп-баптаймын, суарамын. Мен барлық әріптестерімді көргеніме қуаныштымын», – деді, Sputnik Қазақстанның тілшісі Ольга Тонконог.
Айжан ЖАСБАТЫРҚЫЗЫ
178 рет
көрсетілді0
пікір