- Спорт
- 14 Қаңтар, 2021
Желаяқтарға арналған жарыс қайта жанданбақ
Былтыр еліміздегі жағдайға байланысты көктемде белгіленген марафон жарысы өткізілмеген болатын. Жалпы біздің елімізде ғана емес, дүниежүзінде жеңіл атлетикадан жарыстар өткізілмеді. Қазірде әлемде Covid-19 вирусы өршіп тұр.
Дегенмен де елімізде бұқаралық жарыстар өткізілу жоспарда бар. Бұған дәлел, жақында «Алматы марафонына» тіркелу рәсімі ашылды. Жарыс көктемге жоспарланған. 2012 жылдан басталған жарыс биыл осымен оныншы рет өткізілмек.
«Алматы марафоны» он жылдан бері Орталық Азиядағы ең ауқымды марафон болып саналады. «Алматы марафоны» өткізілген он жыл ішінде әуесқой жүгіру дене белсенділігінің ең танымал және ең қолжетімді спорт түрлерінің біріне айналды.
Алғашқы «Алматы марафоны»2012 жылы өткізіліп, спорттық іс-шара ретінде ғана емес, қалалық мереке ретінде де жоспарланған болатын. Алғашқы сөреге 2,5 мыңға жуық адам қатысты. Бір жылдан кейін, 2013 жылы марафон Халықаралық марафондар мен жүгірістер қауымдастығына (AIMS) енді, ал жоларна IAAF Халықаралық жеңіл атлетика федерациялары қауымдастығының ережелеріне сәйкес сертификатталды.
«Алматы марафоны» құрылған бірінші жылдан бері қатысушылар қаражатының бір бөлігі қайырымдылық мақсаттарын іске асыруға жұмсалады. Жыл сайынғы қайырымдылықтың мақсаты, ерекше қажеттіліктері бар балалар, аз қамтылған отбасылардан шыққан немесе ата-анасының қамқорлығынсыз қалған балалар тәрбиеленетін немесе оқитын балалар мекемелері болып табылады. Әрбір таңдалған нысанда спорттық нысандар салынды, спорттық керек-жарақ немесе медициналық жабдық сатып алынды. Осы жылдар бойы «Алматы марафоны» қатысушыларының арқасында 22 қайырымдылық мақсаты іске асырылды.
2020 жылы «Алматы марафоны», жарыс басталатын күннің қарсаңында жарияланған коронавирус пандемиясына байланысты тоқтатылды. 2021 жылы сөре сызығында жұқпалы ауруларға қарсы қауіпсіздіктің барлық шаралары сақталады және олардың сақталуы барынша бақыланады.
– 2020 жыл, үнемі спортпен шұғылдану арқасында иммунитет әртүрлі жұқпалы аурулармен күресуге ынталандырылатынын айқын көрсетті. Ешбір дәрі-дәрмек вирустармен күресте мықты шыңдалған ағза сияқты тиімді болмайды, – деп түсіндірді «Алматы марафонының» директоры Салтанат Қазыбаева.
Айбол КӘДІРБАЙ
318 рет
көрсетілді0
пікір