• Кәсіпкерлік
  • 14 Қаңтар, 2021

Халал кәсіпорынның тынысы

Оралдық  «Высший сорт» ЖШС-ның еліміздің нарығына өз өнімдерін шығара бастағанына екі жыл болды. Бүгінде қазақстандық-ресейлік бірлескен кәсіпорнында 10 адам тұрақты жұмыспен қамтылған.

 Серіктестіктің басшысы Денис Кирилловтың айтуынша,  әзірге қазақстандық шұжық өнімдерінің он бес шақты түрі өндіріледі.  Компанияның өнімдері «Высший сорт» тауар белгісімен танымал. Өнім түрлеріне Қазақстан мұсылмандары діни басқармасының халал сертификаты берілген. «Тәулігіне бес тонна ет өңдейміз. Өңірдегі сиыр етінің сапасы жоғары бағаланады. Өнімдерімізді келісімшарт бойынша Теңіз кен орнын игеруші компанияларға өткізудеміз.  Сонымен қатар шұжық өнімдерін Маңғыстау облысының орталығы – Ақтау қаласындағы сауда орындары және Оралдағы «Алтындар» супермаркеті, «Дина» гипермаркеті, өзіміздің  фирмалық дүкеніміз арқылы тұтынушыларға ұсынудамыз», – деді Денис Кириллов.

Ет өңдеуші кәсіпорын сиыр мен жылқының сапалы етін жергілікті шаруашылықтардан келісім бойынша сатып алады. Халал стандартына сай сойылған мал етінің сапасына мән-маңыз беріледі.  Өндірістегілер шұжық өнімдері өндірісінде консерванттар мен дәмділігін арттыратын химикаттар қолданылмайтынын айтады. Өнімдері табиғи таза, құнарлы, сапалы. «Соған орай сапалы өнімдердің бағасы да орташа көрсеткіштен жоғары. Тұтынушы алдымен өнімді сатып алып, дәмін көреді, содан кейін сол бағаға тұратынын-тұрмайтынын анықтайды. Өнім өткізудегі басты мәселе азаматтардың сапалы өнімді сатып алу мүмкіндігіне тіреледі. Қазіргі коронавирус пандемиясы жағдайында азаматтардың өнімдерді сатып алу мүмкіндігі төмендегені байқалады. Ақтауда оралдық шұжықтар үлкен сұранысқа ие. Орал шаһарында ет өңдеушілер баршылық, сондықтан өнімді өткізуде қиындықтар кездеседі. Бірақ біз өнімдеріміздің сапасының арқасында өз орнымызды табамыз», – дейді Д.Кириллов.

Ет өңдеуші серіктестіктің өндіріс­тік цехының құрылысы еуропа­лық стандарттарға сай салынған.  Ондағы құрал-жабдықтар неміс өндіріс­шілерінің қолынан шыққан. Өнім өндіру үрдісі барлық технологияларды қатаң сақтай отырып жүр­гізіледі. Заманауи тоңазытқыштар мен мұздатқыш камералар сатып алын­ған. Жас кәсіпорын аяғына тұрып, алдағы уақытта өндіріс көлемін ұлғай­туды, өнім түрлерін молайтуды көз­дейді. Солай болған күнде де халал кәспорын  болып қалуды мақсат тұтқан.

 Гүлбаршын ӘЖІГЕРЕЕВА,

Орал қаласы

57 рет

көрсетілді

0

пікір
Алдыңғы мақала Кәсіби қолдау: Мәселені шешудің негізгі жолы – инклюзивті білім беру

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

TENGE MONITOR №2

14 Қаңтар, 2021

Жүктеу (PDF)

Редактор блогы

Ахас Қайырұлы Тәжутов

“TENGE MONITOR” апталық газетінің бас редакторы