- Өндіріс
- 27 Мамыр, 2015
БОЛАШАҒЫ ЗОР КӘСІПОРЫН
Шымкентте керамикалық гранит шығаратын зауыт іске қосылды
Оңтүстік Қазақстан облысындағы «Бәйтерек» ұлттық басқару холдингінің қолдауымен салынған керамикалық гранит шығаратын зауыттың іске қосылуы Шымкент шаһарының жұртшылығын үлкен қуанышқа бөледі.
«Бәйтерек» ұлттық басқарушы холдингі және Қазақстанның инвестициялық қоры бірлесіп пайдалануға берген керамикалық гранит зауытының болашағы зор деп бағалануда. Холдингте нақтылағандай, зауыттың негізгі өнімі – керамикалық гранит. Бұл өнімге сұраныстың жоғары екендігі белгілі.
Зауыт өнімдері негізінен Қазақстан Республикасында және одан тыс жерлерде өткізуге бағдарланған. Оның өндірісі үшін жоғары сапалы баяу балқитын балшық, ең таза кварц құмы, дала шпаты және табиғи пигменттер қолданылады. Кәсіпорында «Barbieri & Torozzi» итальяндық жабдықтары орнатылған. Зауыттың техникалық қуаттылығы жылына керамограниттің 2,5 млн. текше метрін құрайды. Өнімнің жоғары сапасы бәсекелестердің осы тәріздес өнімдерінен басым түсуімен ерекшеленеді.
Қазіргі таңда зауыт өндірісінде 80-нен астам адам еңбек етуде, келешекте жұмыс орындарын жергілікті тұрғындардың есебінен 200 адамға дейін көбейту көзделініп отыр. Мұның өзі зауытта адамдарды жұмыспен қамту мәселесінің дұрыс жолға қойылып отырылғандығын аңғартады.
Ибрагим бекмаханұлы
619 рет
көрсетілді0
пікір