- Өндіріс
- 02 Шілде, 2015
ҚОСТАНАЙЛЫҚ ЖАҢА КОМБАЙНДАР
Мұнда астық жинайтын техниканың топтамалық өндірісі іске қосылды
Қазақстандық шаруаларға тиімді қолдау көрсеткісі келген қостанайлық «АгромашХолдинг» кәсіпорны CNH Industrial компаниясымен бірігіп, New Holland астық жинайтын комбайндардың топтамалық өндірісін іске қосты. Бұл қазіргі таңда өз класында ең әмбебап өнімдер болып табылатын дәстүрлі комбайндардың ТС 5080 және ТС 9505 екі модулі болып табылады.
«АгромашХолдинг» АҚ басқармасының төрағасы Алексей Сидоренконың айтуынша, бұл ауылшаруашылық саласындағы бірінші жоба көрінеді.
– Басқа жобаларды іске асыру саласындағы ынтымақтастықты ретке келтірген кезден бастап CNH бізге комбайндар өндірісін қосу ұсынысын жасады, – дейді басқарма төрағасы Алексей Сидоренко. – Сондай-ақ, аграрлық бағыттағы аталған брендтің басқа өнім түрлерінің өндірісін кеңейту мәселесі талқыланып отыр. Өткен жылы біз өз мамандарымызды Польшадағы ауылшаруашылық зауытына жіберген едік. Онда олар компоненттер өндірісі және құрастыру процесінің өзімен танысып қайтты.
Қостанайлық әмбебап жаңа комбайндардың алғашқы аяқ алыстары көңіл қуантады. Бұл туралы компания башысы оз ойын тиянақтай келіп: «Біздің мақсатымыз – ішкі нарықта ауылшаруашылық өнімдерінің кең спектрін дамыту және оны кеңейте түсу. Бұл өз кезегінде клиенттеріміздің талаптарын қанағаттандырады және өнімімізді көршілес елдерге экспорттауға ынталандырады», – дейді.
Ислам Асфендияр
530 рет
көрсетілді0
пікір