• Қаржы
  • 12 Қазан, 2017

БАСПАНА БАҒАСЫ ӨСПЕЙ МЕ?

ҚР Инвестициялар және даму министрлігі келесі жылы жаңа тұрғын үй нарығында баға өспейді деген болжам жасап отыр, деп хабарлайды sputniknews.kz сайтынан. Вице-министр Роман Склярдың айтуынша, мемлекет тұрғын үй құрылысын тұрақты түрде қаржыландырып отырғандықтан жаңа баспаналар мен пайдаланылып жүрген үйлердің қымбаттауына жол берілмеді.

«Өңірлерде пәтердің бір шаршы метрінің бағасы – 140 мың теңге. Бұл несиеге берілетін үйлер, олар кейін тұрғын үй құрылыс жинақ жүйесі арқылы сатылымға шығарылады. Ал Астана, Алматы, Атырау және Ақтау қалаларында пәтердің бір шаршы метрі 180 мың теңге. 2 жылда, яғни 2015-2016 жылдары 19 мың 200 арзандатылған пәтерді біз нарыққа шығардық. Ал осы жылы осындай 15 мың пәтер сатылады», – деді ол. Сондай-ақ, вице-министр келесі жылы елімізде 10 миллион шаршы метр тұрғын үй салынатынын атап өтті. «Нұрлы жер» бағдарламасы 15 жылға есептелген. Осы уақыт аралығында біз 1,5 млн тұрғын үй салуымыз қажет. Тұрғын үй нарығындағы бағаны бірнеше жыл бойы тұрақты ұстап тұруға мүмкіндік туды. Бір шаршы метрдің бағасы жеке үйлер мен пәтерлерге белгіленген. Сондықтан алдағы уақытта баспана бағасы өседі деп болжап отырған жоқпыз. Негізінен құрылыс материалдары жергілікті, сол себепті оның бағасы да тұрақты. Осы орайда жаңа тұрғын үй құрылысы нарығында бағаның өсуіне себеп болатын алғышарттарды көріп тұрған жоқпыз», – деді Р.Скляр. Тұрғын үй құрылыс жинақ банкінің дерегіне сәйкес, қазіргі таңда пәтер алғысы келетін 914 мың салымшы бар екен. Банктегі қазіргі 30% және 50% көлеміндегі жинақ сомасын төмендету мүмкіндігі туралы сұраққа Роман Скляр әзірге ондай мүмкіншілік қарастырылмайтынын айтты.

Исатай Қамбаров

1634 рет

көрсетілді

3

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Зағипа

17 Тамыз, 2020

Жақсы жаңалық. Баспанаға зәру отбасы көп қой, бізде. Қаншама адам бала-шағасымен пәтер жалдап жүр...

Ринат

17 Тамыз, 2020

Елімізде ең бірінші кезекте осы баспана мәселесі шешімін таба берсе екен.

Мөлдір

17 Тамыз, 2020

Барлығы қымбаттаса да баспана бағасы өспесін.

TENGE MONITOR №15

15 Сәуір, 2021

Жүктеу (PDF)

Редактор блогы

Қуантайұлы Нұржан

“TENGE MONITOR” газетінің Бас редакторы