- Өндіріс
- 18 Шілде, 2019
Болашағы зор зауыт
SANTO зауытына жұмыс сапары аясында ҚР премьер-министрі Асқар Мамин, ҚР Денсаулық сақтау министрі Елжан Біртанов, ҚР Денсаулық сақтау министрлігі Тауарлар мен қызметтердің сапасы мен қауіпсіздігін бақылау комитетінің төрайымы Людмила Бюрабекова, «СҚ-Фармация» ЖШС басқарма төрағасының міндетін атқарушы Берік Шәріп келді. Делегация Парентералдық және пероралдық сұйық дәрілік заттарды өндіретін цехты және ҚР Президенті жанындағы Шетелдік инвесторлар кеңесі 32-пленарлық сессиясына орай ұштастырылып ашылған SANTO Цифрлік инженерлік және білім беру орталығын көріп қайтты.
100 миллион теңгеге жуық инвестиция құйылған Орталықтың басты міндеті – компания мамандарының біліктілігін көтеру, сондай-ақ IT-технология, метрология, автоматтандыру, технологиялық үдерістерді басқару саласы бойынша оқитын жоғары оқу орындары мен колледж студенттерін оқыту. Орталықта екі негізгі оқу сыныбы бар: «Ақпараттық технологиялар» сыныбында бағдарламалау және реляциялық деректер базасына әкімшілік ету (Oracle, MS SQL), Java және WEB бағдарламалау, SAP жүйелерінің ERP құрылымы, серверлер және серверлік қосымшалардың құрылымы және оларға әкімшілік ету бойынша оқу жүргізіледі, ал «Үдерістерді автоматтандыру және басқару» оқу сыныбында өнеркәсіпік контроллерлерді қолдана отырып реттеу жүйелерін автоматтандыру және пайдалануға беру, бағдарламаланатын контроллерлер базасында автоматтандыру жүйелерін құру, жиілік өңдегіштер базасында электрожетектерді конфигурацияялау, 3D-модельдеу және 3D-баспа технологиялары, температураны, қысым мен ылғалдылықты өлшеуге арналған аспаптарды калибрлеу саласында дағдылар меңгеріледі. 2013 жылы ҮИИД мемлекеттік бағдарламасы аясында іске қосылған Парентералдық және пероралдық сұйық дәрілік заттарды өндіретін цех үлкен және кішкентай мөлшерлемедегі парентералдық ерітінділерді, сондай-ақ зарарсыздандырылмаған сұйық дәрілік заттарды шығаратын бірегей өндіріс болып табылады. Еуразия аймағында теңдесі жоқ аталмыш цехтың жылдық өнімділігі 140 млн. инъекция ампуласын, 2.8 млн. инфузия қаптамасын, зарарсыздандырылмаған сұйық дәрілік заттардың 3 млн. бөтелкесін құрайды. Жобаға құйылған инвестиция көлемі 40 млн. АҚШ долларына тең. Сондай-ақ, компания Арыста зардап шеккен тұрғындарға қосымша көмек көрсететіндігі жайлы хабарлады. Қалада төтенше оқиға орын алған сәтте компания зардап шеккендерге жедел көмек көрсету үшін қажетті дәрілік заттарды медициналық жұмысшыларға ұсынды. Олардың ішінде ауырсынуды басатын дәрілер, кардиопрепараттар, антибиотиктер бар. Дәрі-дәрмектерге қоса, жеке гигиена заттары, балаларға арналған бір реттік жөргектер, эвакуация кезінде тұрғындар жатқан жатақханаларға арналған матрастар жіберілді. Сондай-ақ, компания қызметкерлері де жеке үлестерін қосуға тырысты, қалаған адам зардап шеккендерге қаржылай көмек ретінде ақша аударды. Қайырымдылық көмектің жалпы сомасы 3,6 млн. теңге құрады. Арыс тұрғындарына дәрілерді, медициналық бұйымдарды және жабдықтарды сатып алу мақсатында компания басшылығы атынан 20 млн теңгеге сертификат табысталды. Жұмыс сапары кезінде SANTO компаниясының бас директоры Ижи Урбанец былай деп атап өтті: «Шілде айының басында біздің инвесторымыз - Polpharma Тобы бақылау кеңесінің президенті Ежи СтаракҚР Президенті жанындағы Шетелдік инвесторлар кеңесі 32-пленарлық сессиясы аясындаҚР Президенті Қасым-Жомарт Тоқаевпен және премьер-министр Асқар Маминмен кездесіп, SANTO зауытының мысалында ҚР фармацевтикалық индустриясында инвестициялық бағдарламаның жүзеге асырылып жатқандығы жайлы оларға әңгімеледі, компанияның өндірістік алаңдарын ары қарай жаңғырту туралы жоспарларымен бөлісіп, Қазақстан халқының денсаулығын жақсарту үшін Денсаулық сақтау министрлігімен ынтымақтастық жүргізіліп жатқандығы жайлы сөз тарқатты. Бүгін біздің зауытымызда премьер-министрмен жеке жүздесіп, біздің жетісіктерімізді көрсетіп отырғаныма мен аса қуаныштымын». SANTO компаниясы қолжетімді, жоғары сапалы дәрі-дәрмектерді әзірлеп өндіреді және Қазақстан мен Орта Азия нарықтарына жеткізеді. Компания Қазақстанның фармацевтика нарығындағы көшбасшы болып табылады, оның қоржынында терапияның түрлі салаларындағы ауруларды емдеуге арналған 12 фармацевтикалық топқа жататын генериктік және түпнұсқалық 240-тан аса дәрі-дәрмек бар.
Айнұр БАҚДӘУЛЕТҚЫЗЫ
505 рет
көрсетілді2
пікір