- Атамекен
- 07 Қараша, 2019
ҚҚҚ: Пайыздық мөлшерлемелер әрқилы
Қазақстан қаржыгерлер қауымдастығы (ҚҚҚ) ҚР Ұлттық банкінің (ҰБ) маңызды мәліметтері [1] (01.10.19) бойынша ұлттық валютада және шетелдік валютада жеке тұлғалардың тартылған депозиттері бойынша орташа өлшемді мөлшерлемелер өзгермеген, сөйтіп, тиісінше, жылдық көлемінде 9,2% және 1,1% құраған, деп хабарлайды өз сайтында.
Алайда, жыл басынан бері теңгелік салымдардың пайыздық мөлшерлемелері 0,5%-ға, ал шетелдік валютада – 0,2%-ға азайған. Сонымен қатар, валюталық нарықтағы біршама құбылмалылыққа қарамастан, депозиттерді долларландыру қыркүйек айында 43,8%-дан 43,6%-ға төмендеген. ҚР ҰБ базалық мөлшерлемені көтеру жөніндегі қыркүйектегі шешімінен кейін өткен дүйсенбіде (28.10) ағымдағы монетарлық жағдайды сақтау туралы шешім қабылдады. Осылайша, ағымдағы жылдың 09 желтоқсанында жарияланатын, базалық мөлшерлеме бойынша келесі шешімге дейін, салымшыларға неғұрлым үйреншікті құрал – мерзімсіз салымдар өзгермейді. Дәл қазіргі кезде ЕДБ-дің (екінші деңгейдегі банктер) мерзімсіз салымдары бойынша баға ұсыныстары ҚДКҚ (Қазақстанның депозиттерге кепілдік беру қоры) ұсынған барынша жоғары – жылдық 9,8%-ға жақын деңгейде қалып отыр. Сонымен бірге ҚДКҚ бұдан бұрынырақ мерзімді және жинақтаушы салымдар бойынша қараша айына шекті мөлшерлеме белгіледі. Қарашада мерзімді салымдардың басым көпшілігі бойынша теңгелік мөлшерлемелер, мерзімділігіне қарай, 0,1-1,5% шегінде жоғарылатылады, қауырттығына қатысты жинақ салымдарының басым көпшілігі бойынша 0,1-0,6%-ға төмендетіледі. Аталған өзгерістер тек жаңадан тартылған депозиттерге ғана қатысты екенін айта кету керек. Ағымдағы кезеңде мерзімді салымдар бойынша ЕДБ-тердің баға ұсыныстары мерзімді салымдар бойынша жылдық (ЖТСМ – жылдық тиімді сыйақы мөлшерлемесі) 10-11% шегінде, жинақ ақша салымдары бойынша жылдық (ЖТСМ) 12,2-14,1% шегінде өзгереді. Атап айтар болсақ, инфляциялық тәуекелдердің сақталуы салдарынан, сондай-ақ шектеу деңгейін 4-6% деңгейіне жеткізу үшін келесі жылы орталық банкке, бәлкім, монетарлық саясатты одан әрі қатаңдатуға тура келіп, бұл, өз кезегінде, нарықтық пайыздық мөлшерлемелердің де тиісінше өсуіне әкеп соғуы мүмкін, дейді ҚҚҚ сарапшылары (1-таблица).
Банктердің жеке тұлғаларға берген кредиттері бойынша орташа өлшемделген сыйақы мөлшерлемесі қыркүйекте жылдық 18,8%-дан 18,4%-ға шейін азырақ төмендеген. Сонымен қатар жыл басынан бері берілген кредиттер бойынша мөлшерлемелер жылдық 17,2%-дан 1,2%-ға өсіпті. Сондай-ақ жыл басындағымен салыстырғанда жылдық инфляция деңгейі мен базалық мөлшерлеме өзгермеген – тиісінше, 5,3% және 9,25%. ҚҚҚ-ның бақылауындағы банктік кредиттер бойынша нарықтық мөлшерлемелер есепті кезеңде іс жүзінде өзгерген жоқ (2-таблица).
Өткен жылдың шілдесінен бастап «7-20-25. Әрбір отбасына баспана алудың жаңа мүмкіндіктерін беру» тұрғын үй кредиттеу Бағдарламасын іске асыру басталды. Осы бағдарламаны жүзеге асыру аясында 2019 жылдың 24 қазанына (былтырғы шілдеден бері) 136,2 млрд теңге сомасында қарыз беруге 11 934 арыз мақұлданған. Бұл ретте қазақстандықтарға тұрғын үй қарыздарын берудің жоспарланған көлемі 150,0 млрд теңгені (2018 жылы – 100 млрд теңге) құраған (3-таблица).
ҚҚҚ ескертуі: Мөлшерлемелер бойынша деректер көрсетілген банктердің ресми ресурстарынан алынған және аталған өнімдерге байланысты барлық шығындарды толық күйінде бейнелей алмайды. Өнімдер бойынша нақтырақ ақпарат алу үшін аталған банктердің өзімен хабарласу қажет. [1] ҚР ҰБ-нің орташа мөлшерлемелері бойынша маңыздырақ статистика есепті айдың соңында жарияланады.
Исатай ҚАМБАРОВ
1630 рет
көрсетілді0
пікір