- Өндіріс
- 16 Қаңтар, 2020
Сапа бар жерде – сұраныс бар
Шин-Лайн компаниясы өндірген балмұздақты тұтынушылық талғамды зерттеу мен талдау көрсеткендей, қазақстандық сатып алушы бір-бірінен ерекшеленеді. Мысалы, Батыс Қазақстанда қара өрік бар грек жаңғағы танымал, ал Солтүстік Қазақстанда – анар-шие, Шығыс Қазақстанда – фундук, ал Оңтүстік Қазақстанда қауын-маракуйя және бадам дәнімен інжір танымал. Ал, Елорда тұрғындары фундук бар салманы таңдаса, алматылықтар көбінесе халвадан жасалған салманы қалайды.
Bahroma балмұздағының экспорты қазақстандықтардың талғамын басқа елдердің қалауымен салыстыруға мүмкіндік береді. Мәселен, Қытай мен Ресейде жеміс-жидекті лукумды ұнатады, Моңғолияда інжір-йогурт дәмі бар балмұздақ көпшіліктің көңілінен шықты, Өзбекстанда – қара өрік, ал Әзербайжанда тұтынушы жаңғақ пен қара өрік бар балмұздақты ұнатады. «Bahroma балмұздағының тұжырымдамасы тұтынушыға шығыс ләззатының барлық қырын сезінуге мүмкіндік береді және біз ол үшін балмұздақты бағалаушылардың қажеттіліктерін қанағаттандыру мақсатында жемістердің, жидектердің және жаңғақтардың ерекше үйлесімін пайдаланамыз. Бізге сапалы өнімді ғана емес, сонымен қатар таңдауды ұсыну маңызды. Бұл үшін біз озық ингредиенттерді пайдаланамыз», – деді «Шин-Лайн» ЖШС бас директоры Владимир Пак. Естеріңізге сала кетейік, тұтынушылар көптеген дәмнің арасынан өз таңдауын жасады: жеміс-жидек лукумы (шабдалы-қауын және анар-шие), інжір-йогурт нугасы, фундук-шоколад нугасы, қос қабатты шоколадтағы өрік, жаңғақпен қара өрік, бадам дәнімен өрік, тұтас фундукпен шоколад, қосқабатты шоколадтағы халва. Бұл маусымда жаңа дәмдер де ұсынылды: екі қабатты fondant трюфель-қызыл апельсин және екі қабатты fondant пісте-құрма. Бұдан басқа, өндіруші отбасылық тұтыну үшін 500 грамдық үлкен қаптамаларды ұсынады, олардың дәмі де кең түрде таныстырылған: жаңғақпен қара өрік, бадам дәнімен өрік, тұтас фундукпен шоколад, бадам дәнімен күнжут халвасы және інжір бар йогурт.
Салтанат ҚАЖЫКЕН
573 рет
көрсетілді0
пікір