- Атамекен
- 04 Маусым, 2020
Онлайн-еріктілік бағдарламасының алғашқы кезеңі
БҰҰ-ның Балалар қоры (ЮНИСЕФ) «Ұлттық волонтерлік желісі» ЗТБ-мен бірлесе отырып, АҚШ-тың халықаралық даму агенттігінің (USAID) қаржылық қолдауымен COVID-19 таралуының алдын-алу және карантин кезінде жастардың жан-тән саулығын қолдауға бағытталған онлайн-еріктілік бағдарламасының бірінші кезеңін жүзеге асырды.
«Пайдасы бар карантин» науқаны аясында жас еріктілер апта сайын әртүрлі тақырыптар бойынша оқытушы вебинарларға қатысады. Атап айтқанда, карантин кезіндегі қауіпсіздік, факт-чекинг және коронавирус туралы жалған ақпаратты анықтау тәсілдері, жан саулығын қолдау, күйзеліске қарсы тұру және тағы басқа тақырыптар бойынша оқу барысында алған білімдерін айналасындағы адамдармен бөлісу мақсатында жастарға әртүрлі тапсырмалар беріледі. Мысалы, олар әлеуметтік желілерінде «Пайдасы бар карантин» хэштегімен постар немесе бейнелер жариялайды. Аталған науқанды Қазақстанның барлық аймақтарында 14 пен 40 жас аралығындағы 1500-ге жуық жас қолдады. Алдын-ала есеп бойынша, бұл бастаманың арқасында еріктілер бүкіл Қазақстан бойынша шамамен 400 000 адамды қамтуы мүмкін.
Айнұр БАҚДӘУЛЕТҚЫЗЫ
554 рет
көрсетілді0
пікір