- Өндіріс
- 18 Маусым, 2020
Экологиялық технологияларды пайдалану – әлемдік тренд
Алматыда жазғы маусымның басталуымен балмұздақты жеткізу қызметі тестіленуде. Тіпті карантиннен кейін де тұтыну нарығы уақыт талабына жауап беруді жалғастыруда. Жаздың аптап ыстығында салқынды қалайтындардың қарасы көп, осы ретте Алматыда үйге балмұздақты жеткізу қызметі іске қосылды.
Еліміздегі балмұздақтың жетекші өндірушісі, «Бомба», «Мишка на полюсе» мен Bahroma сияқты мұз бестселлерлерінің авторы «Шин-Лайн» компаниясы аталмыш қызметті бірден екі арна арқылы таңдауды ұсынады. Wolt өнімді жеткізу сервисімен серіктес бола отырып, ұнаған балмұздақ дәміне мобильді қосымша арқылы тапсырыс беруге мүмкіндік бар. Тұтынушылар 40 минуттан аз уақыт ішінде тапсырысты алып қана қоймай, қазіргі уақытта тек сыйлық ретінде қолжетімді, сирек кездесетін балмұздақ түрі – жүзіммен Bahroma балмұздағының дәмін де тата алады. Қазір балмұздақты өндірушінің өзінен, яғни, конвейерден тікелей экожеткізілім де бар. Бұл ретте сіз Инстаграм желісіндегі «Шин-Лайн» парақшасында shinline_kazakhstan немесе кәсіпорынның ресми сайтында тапсырыс беріп, бөлшек саудадан төмен бағамен ала аласыз, сонымен қатар қаламыздың экологиялық жағдайын жақсартуға өз үлесіңізді де қосасыз. Себебі «Шин-Лайн» заманауи авторефрижераторлары суық аккумуляторлармен жабдықталған. Бұл жүйе тұрақта тұрған кезде шанақтағы температураны минус 45 градусқа дейін төмендете отырып, электр желісінен қуат алады және қала ішіндегі қозғалыс процесінде салқындатқыш қозғалтқышқа қосымша жүктеме жасамайды. Осылайша, атмосфераға пайдаланылған газдардың шығарындыларын азайтып, отын шығыны ұлғаймайды.
Салтанат ҚАЖЫКЕН
362 рет
көрсетілді0
пікір