• Өндіріс
• 16 Шілде, 2020

Инновациялық өнім – дамудың кепілі

«Филип Моррис Қазақстан» құрамына кіретін Philip Morris International Inc. жаһандық компаниясы (PMI) 2019 жылғы алғашқы біріктірілген есебін жариялады. Есеп компанияның түтінсіз болашақ жолындағы прогресін көрсетеді, сондай-ақ қоршаған ортаны қорғау және әлеуметтік жауапкершілік саласы бойынша кешенді шолуды қамтиды.

Есепке сәйкес, 2019 жылдың соңында әлемде темекіден бас тартқан және инновациялық түтінсіз PMI өнімдеріне, атап айтқанда IQOS темекіні қыздыру жүйесіне көшкен 9,7 миллион адам болды. Бұл көрсеткішке Экономикалық ынтымақтастық және даму ұйымының (ЭЫДҰ) құрамына кіретін елдерден 3 миллион адам, оның ішінде Қазақ­стан да кірді. Нақты айтқанда, біздің елімізде 200 мыңнан астам кәмелеттік жастағы шылым шегушілер дәстүрлі темекі тар­тудан бас тартып, тәуекелі төмен баламалы өнім пайдасына таңдау жасады. 2016 жылы PMI өз бизнесін транс­формациялау туралы жария­лап, өршіл мақсат қойды, яғни темекі өндіруден толықтай бас тарту мен оларды жану процесін­сіз инновациялық өнімдермен алмастыру, осы қасиеттерінің арқасында олар кәмелетке толған шылым шегушілер үшін темекіге үздік балама болып табылады. Содан бері компания белгілі жетістіктерге қол жеткізіп, таң­далған бағыттың дұрыстығын бекітті. Атап айтқанда, PMI бүкіл әлем бойынша 600-ден астам сигарет атауын сұрыптамадан алып тастады және темекіні қыздыру жүйелерінің портфелін 400-ден астам атауға дейін кеңейтті. 2019 жылы компанияның дәстүрлі темекі өнімдерінің көлемі 732 миллиард темекіге дейін төмендеді, осы көрсеткіш 2016 жылы 845 миллиард темекіні құраған бо­латын, бұл ересек шылым шегу­шілердің түтінсіз өнімдерге көшу деңгейін ішінара көрсетеді. PMI өз ресурстарын темекі шегумен байланысты аурулардың пайда болуының себебі есепте­летін жану процестерін болдыр­майтын өнімдерді әзірлеуге, ғылыми негіздеуге және жауап­ты коммерцияландыруға шоғыр­­ландырады. 2019 жылы компа­­ния­ның инновациялық әзірле­мелер мен зерттеулерге арналған шығындары 465 миллион АҚШ долларын құрады және бұл қаражаттың 98 пайызы түтінсіз өнімдерді зерттеуге бағытталды. «Біз шылым шекпеу туралы өз міндеттерімізді 2016 жылы жариялағаннан бері, трансформация мен биз­несі­міздің әр аспектісінде ұйым­дық мүмкіндіктер мен тұрақты дамудың интеграциясы тұрғы­сынан үлкен прогреске қол жет­кіздік. Біздің компаниямыздың қоғамға ұсынатын үздік шешімі темекіні зиянды баламаларға ауыстыру екенін PMI-де бар­лығымыз түсінеміз. Бұл біздің корпоративтік стратегиямыздың және тұрақты даму саласындағы басымдықтарымыздың негізінде жатыр», – деп атап өтті PMI бас директоры Андре Каланцопулос. Компанияның болжамына сәйкес, қоғамды сауатты мемле­кеттік қолдау мен ынталан­дыру жағдайында әлемнің көптеген елдерінде темекі сату 10-15 жыл ішінде тоқтауы мүмкін. Сондай-ақ есепте 2025 жылға қарай ком­панияның 40 миллионнан астам ересек шылым шегушіні өзінің инновациялық өнімдеріне ауыс­тыруға ұмтылысы көрсетілген, ал оның жартысы ЭЫДҰ-ға кірмейтін елдерден болмақ. Темекі түтінінсіз әлем шын­дыққа айналуы мүмкін – компанияда бұған сенімді және COVID-19 пандемиясымен шарт­талған әлем­дегі қиын жағдайға байланысты жаңа тәуекелдерге қарамастан, өз бизнесін трансфор­мациялаудың таңдалған жолын ұстануға ниетті.

ГҮЛНАЗ ТҰРАБАЙ