- Атамекен
- 26 Қараша, 2020
Электрондық карталар жасалуда
Еліміздің ең бай гербарий қоры мен заманауи жабдықтармен жабдықталған агрохимиялық зертхананы алматылық журналистер мен блогерлер тамашалады.
«Азаматтарға арналған үкімет» мемлекеттік корпорациясының Алматы қаласындағы филиалы – Агрохимиялық, топырақты зерттеу және кешенді-іздестіру жұмыстары департаменті БАҚ өкілдері үшін 2020 жылдың 9 айындағы жұмыс қорытындысы бойынша баспасөз турын ұйымдастырды.
Турға қатысушылар мекеменің көрме залында 60 жылдан астам уақыт бойы жиналған мұрағаттық материалдармен танысты. Сондай-ақ журналистер назарына департаменттің бай гербарий қоры ұсынылды, онда жапырақтардың 10 мың түрі және өсімдіктердің 3 мың түрі сақталған. Сонымен қатар БАҚ өкілдері заманауи агрохимиялық зертханаға барды.
«Қазіргі уақытта біздің мамандар далалық жұмыстарды пысықтап, камералдық жұмыстарды және электрондық карталарды жасаумен айналысуда. Алты ауылдық округте 690 мың гектар алқапта топырақ іздестіру бойынша электрондық карталар жасалып, МҚІСА-ға біріктірілетін болады. Бұдан басқа, Жамбыл облысының Жамбыл және Т.Рысқұлов аудандарында – 500,0 мың гектар жұмыстар аяқталды. 300-ден аса шаруа қожалықтарын паспорттау жұмыстары жүргізілді. Сонымен қатар, 3100,0 мың гектар алаңға геоботаникалық зерттеу жүргізіліп, енді оның электрондық геоботаникалық карталары жасалуда», – деді департамент директорының орынбасары Естай Құдабаев.
Департамент 2020 жылдың мамыр-қазан айлары аралығында 690 мың га алқапта топырақ зерттеу, 670 мың га жуық алқапта ауыл шаруашылығы мақсатындағы жерлердің топырақ бонитировкасын анықтау, 400 мың га алқапта жер мониторингі бойынша жұмыс ұйымдастырды, 690 мың га жерге арналған электрондық топырақ картасы жасалды.
Айжан ЖАСБАТЫРҚЫЗЫ
7504 рет
көрсетілді0
пікір