- Цифрлы Қазақстан
- 11 Наурыз, 2021
Отандық Aitube видеохостингі мобильді қолданбаны іске қосты
Aitube видеохостингі мобильді құрылғылардан контент көруге болатын ұялы қолданбаны іске қосты. Пайдаланушыларға жергілікті түсірілген телехикаялар, мемлекеттік тілдегі ойын-сауық және танымдық сипаттағы контент, сондай-ақ қазақстандық телеарналар эфирлерінің трансляциясы ұсынылады.
Қолданбаның іске қосылуы – отандық әзірлеушілер еңбегінің жемісі. Aitube платформасын жас қазақстандық Aitu-Dala digital-компаниясы қалыптастырып дамытуда. Видеохостингтің басты міндеті – Қазақстан тұрғындарының отандық видеоконтентке еркін әрі ыңғайлы қолжетімділігін қамтамасыз ету.
Видеохостинг иесі Aitu-Dala компаниясының бас директоры Евгений Волковтың Aitube-тегі контент сұранысқа ие, ауқымды аудиториясы бар екендігін атап өтті. «Сериалдар мен видороликтерге көрермендеріміздің қолжетімділігін жеңілдету қисынды қадам болды. Порталдың аудиториясы ай сайынғы 2 миллион көрермен межесінен әлдеқашан асып үлгерген, ал қолданбаны Android және iOS негізіндегі құрылғылардың барлығына жүктеуге болады», – деді ол.
Aitube – үздік өндірушілердің эксклюзивті контентін, сонымен қатар телевизиялық ойын-сауық және ақпараттық шоулар мен пайдаланушылардың видеоларын бір ортаға тоғыстырған ұлттық видеохостинг. Aitube әрбір адам өзінің кез келген жанрдағы медиасын жариялай алатын, көрермен болса қазнеттің жаңа жұлдыздарын танып қана қоймай, Қазақстанда өндірілген премиум контентке тегін қолжетімділікке ие болатын ашық алаң болып табылады. Сайтқа ай сайын 2 миллион адам кіреді, олардың 91%-дан астамы – Қазақстан тұрғындары.
Нұрлан ҚҰМАР
3226 рет
көрсетілді0
пікір