• Бизнес & Қоғам
• 06 Мамыр, 2021

Басты мақсат – қоршаған ортаның тазалығын сақтау

Еліміздегі аса өзекті проблемалардың қатарына қоршаған ортаны қорғау мен экологиядағы өзекті мәселелер жатады. Осы жағдайға қатысты бүгінгі таңда елімізде түрлі ауқымды шаралар жүзеге асырылып келеді. Табиғат байлықтарын сақтау жер бетінде өмір сүріп жатқан халықтардың өмірі мен қызметін, мемлекеттердің тұрақты экономикалық дамуының және әл-ауқатын арттырудың негізі болып саналады.

Осыған орай, таяуда еліміз­де Еуропалық модель бойынша құрылған Қазақстандық Альпілік Клуб (Kaz Alpine Club) жұмыс істей бастады. Клубтың міндеті – экологиялық туризмді үздік әлемдік стандарттар бойынша дамыту және табиғатты қор­ғауға жәрдемдесу. Отандық Альпілік Клуб (Kazakh Alpine Club, қысқаша КАС) белгілі спортшылардың, кәсіпкерлердің, қоғам қайраткерлерінің бастамасымен құрылған. Бүгінгі таңда Қазақстанның таулы аймақ­тары, атап айтқанда Алматы тау бөктері идеологиялық және экономикалық шайқастардың орнына айналды.Табиғатты қорғаушылар мен қарапайым азаматтар табиғи нысандарды экономикалық айналымға қосу үшін мемлекет пен бизнестің табиғи аумақтарда «заманауи қонақүйлер» мен «глемпингтер» салу әрекеттеріне жаппай наразылық білдіруде.

Экологтар бұл тәсілдің төмен кәсібилігі мен қоршаған ортаның қолайсыздығына назар аударады. Сонымен бірге, Алматының және бүкіл Қазақстанның даму әлеуеті туризм саласында екенін ешкім жоққа шығармайды және мұндай туризм қазынаға ақша әкеліп қана қоймай, ең алдымен табиғатқа зиян тигізбеуі үшін оны дамытудың моде­лін табу қажет. Бұл мәселені шешу үшін Kaz Alpine Club құрылды. КАС – бұл өсіп келе жат­қан антропогендік жүктеме жағдайында Қазақстанның тау­лы аймақтарының осалдығын түсінетін және туристердің қауіп­сіздігін қамтамасыз ету, экологияны сақтау және халықаралық стандарттарға сәйкес келу үшін қажетті инфрақұрылымды құра отырып, тау туризмінің белсенді түрлерін дамытуға ниетті адамдар мен ұйымдардың қоғамдық бірлестігі.

Kaz Alpine Club жоспарында таулы аумақтарды дамыту жобаларын әзірлеу және іске асыру кезінде тұрақты туризм қа­ғидаттарын және экологиялық тәжірибемен технологияларды енгізу, тау-кен инфрақұрылымын дамыту жобаларын әзірлеу және іске асыру кезінде қазіргі заманғы экологиялық тәсілдерді енгізу; таулардағы бірегей ту­ристік өнімдерді әзірлеу және ілгерілету таулы аумақтардың ішкі және халықаралық туризмді ақпараттық сүйемелдеу және танымал ету және тағы да басқалар кіреді.

Аталмыш клуб қатысушыла­ры танымал қазақстандық және шетелдік сарапшылармен бірлесе еліміздегі таулы аймақтарында туризмді дамытудың Жол картасын жасап, оны Алматы және Алматы облысының әкімдіктеріне ұсынды.

Салтанат ҚАЖЫКЕН