- Ақпарат
- 17 Маусым, 2021
Әлемдік ақпарат
Қазақстандықтар қажылыққа Меккеге бара алмайды
Сауд Арабиясының билігі коронавирустың таралу қаупі салдарынан биыл қажылыққа тек өз елі аумағындағы, саны 60 мың адамнан артық болмайтын мұсылмандарға ғана рұқсат беріп отыр, деп хабарлайды корольдіктің қажылық пен умра істері жөніндегі министрліктің мәлімдемесін Сауд жаңалықтар агенттігі (Saudi Press Agency).
Былтыр коронавирус індетінің салдарынан қажылыққа алғаш рет мұсылман елдерінен қажылыққа баруды қалағандар қатыса алмай, осы елде тұратын мұсылмандардан тек он мыңдай адам ғана қажылыққа таңдалған болатын.
Қазақстан мұсылмандарының діни басқармасы хабарлағандай, індет жағдайындағы қажылық үшін негізгі талаптардың бірі – Pfizer-BioNTech, AstraZeneca, Johnson & Johnson немесе Moderna сияқты препараттардың екі дозасын қабылдау шарт. Ал Қазақстанда бұлар жоқ.
Батыр РАХМЕТУЛЛИН
14418 рет
көрсетілді0
пікір