- Қаржы
- 01 Шілде, 2021
Сбербанк өз таңдауын жасады
Есімі әлемге әйгілі біртуар қазақ әншісі, ғажайып дауыс иесі Димаш Құдайберген Сбербанктің Қазақстандағы бренд-амбассадоры атанды.
Төрткүл дүние тамсанып, таңдай қаққан Ұлы даланың үні – ғарыштық ғаламат дауыс иесі, ұлттық тәрбиеден нәр алған көркем мінез, сұлу сымбатымен үлкен-кішінің жүрек төрінен орын алған Димаш өзінің Жер шарының түкпір-түкпіріндегі миллиондаған тыңдарманына қаржылық институт өнімдері, сонымен қатар Сбербанктің экожүйесіне кіретін сервистердің артықшылықтары туралы айтады.
Димаш өзінің аудиториясымен жаңа superapp Sberbank KZ қосымшасын, қоржынында 80 мыңнан астам фильм бар Okko онлайн-кинотеатрын, сондай-ақ 40 миллион ән, подкаст пен аудиокітап тыңдауға мүмкіндік беретін СберЗвук стримингтік сервисін қолданудағы тәжірибесімен бөліседі. «Димаш – шығармашыл, жаңа технологияларға қызығушылығы мол, өз уақытын бағалай білетін және тек жақсыны таңдайтын қазақстандық жаңа ұрпақтың өкілі. Біздің клиенттеріміз де дәл сондай. Еліміздің мақтанышы бола тұра, Димаштың бренд-амбассадор болуға әрі Сбербанктің сервистерін ұсынуға келісімін бергені бізді қатты қуантты», – дейді «Сбербанк» АҚ ЕБ басқарма төрағасы Елдар Теңізбаев.
АЗИЗА ЕРНАЗАР
888 рет
көрсетілді0
пікір