• Білім & Ғылым
  • 29 Шілде, 2021

Оқушылар жаңа оқу жылын қандай форматта бастайды?

Жаңа оқу жылының алғашқы тоқсанында оқушылар қандай форматта білім алады? Кезекті оқу жылының басталуына бір айдай ғана уақыт қалған бүгінгі таңда жұртшылықты мазалап жүрген сұрақтың бірі осы.

Орталық коммуникация­лар қыз­метінде өткен брифинг барысында журналистер қойған осы сауалға Білім және ғылым ми­нистрлігі мектепке дейінгі және орта білім комитеті төрағасының орынбасары Жомарт Қарамбаев: «Бұл эпидемиологиялық жағдайға байланысты. Шешімді коронавирусты таратпау жөнін­дегі ведомствоаралық комиссия шығарып, ол шешім Мемлекеттік санитарлық дәрі­гердің қаулысымен бекітіледі. Эпидемиологиялық жағдай жақ­сарған кезде министрлік дәс­түрлі оқыту форматына көшуге дайын», – деп жауап берді.

Ведомство өкілі қалыпты оқу форматына ауысу үшін педагогтерге вакцина алу талабы қойылмайтынын айтты. «Мұндай талаптар қойыл­майды, мұғалімдер ерікті түрде екпе алып жатыр. Ең бастысы, ұжымдық иммунитет қалыптасуы керек. Сол үшін ұстаздардың 100 пайыз вакцина алғаны жөн болар еді», – деді ол.

Мектептер мен білім беру ұйым­дарына Ashyq жобасы енгізіле ме? Осы ретте Жомарт Қарамбаев бұл мәселе туралы әзірге нақты ештеңе айта алмайтынын алға тартты. «Бұл мәселе талқыланды, бірақ әзірге жоспарда ғана бар. Қазір нақты ештеңе айта алмаймыз. Негізінен жаңа оқу жылынан бастап жоғары оқу орындары мен колледждерде бұл жобаны енгізу жоспарланып отыр», – деді ол.

БЕКЕТ КӨКЕНАЙҰЛЫ

 

2086 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

TENGE MONITOR №15

15 Сәуір, 2021

Жүктеу (PDF)

Редактор блогы

Қуантайұлы Нұржан

“TENGE MONITOR” газетінің Бас редакторы