- Цифрлы Қазақстан
- 23 Қыркүйек, 2021
Тәжірибе алмасу – кәсіби қажеттілік
Жақында Алматыға мемлекеттік қызмет көрсетудің қазақстандық моделін зерттеп, тәжірибе алмасу мақсатында Қырғызстан делегациясы келді.
«Азаматтарға арналған үкімет» мемлекеттік корпорациясы төрағасының орынбасары Біржан Жүнісов қырғызстандық әріптестеріне фронт-офистерде құжаттарды қабылдаудан бастап әлеуметтік төлемдерді тағайындауға дейінгі үдерістерді көрсетті. Сондай-ақ қонақтарға электрондық, проактивтік, композиттік және мемлекеттік қызмет көрсетудің жаңа форматтарын таныстырды. Бұл орайда, Қазақстан ТМД-да бірінші болып мемлекеттік қызметтерді проактивті тәсілмен көрсетуді енгізгенін атап өту қажет.
Кездесу барысында делегация мүшелері мемлекеттік корпорацияның фронт/бэк-офистерінің және зейнетақы мен жәрдемақы тағайындау жөніндегі уәкілетті органның құрылымдық бөлімшелер қызметімен, egov.kz электрондық үкімет порталының жұмысымен, TelegramBot мессенджері және eGov-mobile мобильді қосымшасы арқылы мемлекеттік қызметтерді онлайн алуға мүмкіндік беретін сервистермен танысты. Сонымен қатар мемлекеттік қызмет көрсетуді ұйымдастыру кезінде ерекше қажеттілігі бар жандарға үлкен көңіл бөлінетіндігін атап өтті. ХҚО-лар пандустар, шақыру батырмалар, Брайль мәтіні бар тақтайшалар, нашар көретіндерге арналған тактильді жолдар және аталған топтағы азаматтарға ыңғайлы болуы үшін «жеңілдік терезелері» де қарастырылғандығын көрсетті. Сонымен қатар I және II топтағы мүгедектердің мемлекеттік қызметтерді ХҚО-ға бармай-ақ, 1414 байланыс орталығына өтінім бере отырып, мамандарды үйге шақырту мүмкіндіктері қарастырылған.
АЙЖАН ЖАСБАТЫРҚЫЗЫ
10382 рет
көрсетілді3
пікір