- Азық-түлік белдеуі
- 01 Қазан, 2021
Азық-түлік өндірістік кешенінде – ауқымды жаңғырту
Қарағандыда Қазақстан мен Орта Азиядағы тамақ өнеркәсібіне арналған май өнімін жетекші өндірушілердің бірі болып табылатын «Eurasian Foods» АҚ кәсіпорнында жабдықты жаңартудың кезекті кезеңі аяқталады. Тек соңғы бес жылдың ішінде Eurasian Foods Corporation холдингінің құрамына кіретін кәсіпорын өз өндірісін жаңартуға 4,7 млрд теңгеден астам инвестиция салған. Кезекті кезең аяқталғаннан кейін «Eurasian Foods» АҚ өндірістік қуатын жылына 70 мың тоннадан астам дайын өнім шығаруға дейін жеткізу көзделіп отыр.
Аталған сала ең заманауи және жоғары өнімді кәсіпорындардың бірі ретінде, сапасы жағынан әлемдік нарықта бәсекелес болуға мүмкіндік беретін жетекші өндірушілерді қосымша жаңа жабдықтармен қамтамасыз етілген. Маргарин дайындау бойынша неміс өндірісінің технологиялық желісі пайдалануға беріліп отыр. Осы желіні іске қосудың арқасында өндірілетін өнімнің функционалдық сипаттамасы жақсарып, өнімділігі сағатына 11,7 тоннаға дейін жетіп- артылады. Қатпарлы қамырға арналған маргариндерді өлшеп ораудың жаңа желісі іске қосылды. Бұл өндірістің максималдық қызметі 2 есеге ұғайып, сағатына 4,8 тоннаға дейін өнім өндіруге мүмкіндік беру қарастырылған. Өнімдерді өлшеп-орау мен буып-түю жұмыстары персоналдың қатысуынсыз автоматты желіде жүргізіледі. Еуропалық өндірістің технологиялық жабдықтары толықтай автоматтандырылған СИП жуғыштары микробиологиялық тазалықты қамтамасыз етуге көмектеседі. Жылдың соңына дейін жаңа технологиялық қойманы, сондай-ақ барлық өндірістік үй-жайларда тәулік бойы микроклиматты сақтап тұратын ауа реттеу жүйесін пайдалануға беру жоспарлануда. «Eurasian Foods» АҚ дайындаған өнімдері отандық нан-тоқаш және кондитерлік өндірістің 70%-дан астамы пайдаланады.
Компания өз өнімін әлемнің 11 еліне – Ресей, Қырғызстан, Қытай, Өзбекстан, Әзірбайжан, Армения, Грузия, Тәжікстан, Түркіменстан, Ауғанстан, Монғолияға экспорттайды. Биылғы жылдың бірінші жарты жылдығында «3 желания», «Шедевр» және «Золотой стандарт» брендтерін экспорттау 25%-ға артқан. Кәсіпорын өндірісінің сапалық құрамы жағына әр кезеңде тұрақты бақылау жүргізіліп отырады. Өндіріске келген шикізат пен дайын өнімнің физикалық-химиялық және микробиологиялық параметрлерін тексеруді жүзеге асыруда арнайы сетификаты бар аттестациялаудан өткен зертхана жұмыс істейді. Онда шығарылатын өнімнің май-қышқыл құрамын егжей-тегжейлі анықтауға мүмкіндік беретін құрылғылардың бірі газ хроматографтарымен жабдықталған. 2010 жылы өнімнің тұтынушылық қасиетін жақсарту мен жаңа түрлерін дайындауда инновациялық-технологиялық зертханасы құрылды. Сонымен қатар кәсіпорын мамандары ассортимент желісін кеңейтіп, жаңа өнім түрлерін шығарумен айналысады. Барлық өнім Кедендік одақтың техникалық регламентіне сәйкес сетификатталған және «Халал» талаптарына сай. Кәсіпорын В2В секторындағы серіктестерімен қызметтік тығыз қарым-қатынас орнатылған. Технологтар нан-тоқаш және кондитерлік өнімдерді өндірушілерге өз кеңестерін беріп, нақты өндірістік процесс үшін қандай өнім қолайлы екендігі туралы ұсыныстарымен бөліседі, сондай-ақ клиенттердің жеке өтініштері бойынша рецептуралар әзірлеп, көшпелі мастер-класстар өткізеді. «Eurasian Foods» АҚ Қарағанды облысының ең ірі салық төлеушілердің үштігіне енген. Өткен жылы кәсіпорын мемлекет бюджетіне салық түрінде 2,89 млрд. теңге аударған. «Зауытты жаңғыртудың кезекті кезеңін аяқтау өндіріс көлемі мен салық түсімдерін ұлғайтуға мүмкіндік береді. Үстіміздегі жылы зауытымыздың құрылғанына 50 жыл толуына байланысты мерейтойға ең заманауи құралдармен жабдықталған, өз саласында өндірістік стандартты белгілейтін және қызметкерлерден әлеуметтік жауапкершілікті талап ететін еліміздегі тамақ өнеркәсібі ішінде жетекші кәсіпорындарының бірі деген мәртебеде қарсы алатынымыз қуантады, өйткені тұтынушылар кез келген компанияның басты активі», – деп атап өтті «Eurasian Foods» АҚ Басқарма Төрағасы Олег Винокуров.
Бүгінде «Eurasian Foods» АҚ қызметтік штатында 650 адам жұмыс істейді. Пандемия кезінде кәсіпорын туындаған қиындыққа қарамастан жұмысын жалғастырып, ұжымды толығымен сақтап қала алды. Өңірдегі ірі жұмыс берушілердің бірі тек өз қызметкерлері мен олардың отбасыларына ғана емес, Қарағанды облысының тұрғындарына да қатысты әлеуметтік жауапкершілік саясатын жүзеге асырады. Бірнеше жылдар бойы мүмкіндігі шектеулі балаларға, еңбекке қабілетсіз жандарға, «Балалар – өмір үшін» қоғамдық бірлестігіне, «Үміт» ерікті мүгедектер қоғамына, М.Әуезов атындағы Орталықтандырылған қалалық кітапханаға және Облыстық туберкулезге қарсы балалар санаторийіне демеушілік көмегін көрсетуден аянған емес. Қарағандыдағы «Eurasian Foods» АҚ «Eurasian Foods Corporation»АҚ (Алматы) және «Eurasian Milk» ЖШС (Петропавл) қатар Eurasian Foods Corporation холдингінің құрамына кіреді. Холдинг Қазақстан мен Орта Азия елдеріндегі 3000-нан аса адамды жұмыс орнымен қамтамасыз етіп отырған ірі тамақ өнеркәсібі. Холдинг қоржынында 250-ден астам сапалы және сертификатталған – майонездер, кетчуптар, тұздықтар, дәмқосарлар, сары және өсімдік майлары, маргариндер, спредтер, дәмдеуіштер, «3 желания», «Шедевр», «Золотой стандарт», «Златые горы», «Ертіс» және «Масленкино» брендтерімен өндірілетін сүтті шикізаттан жасалған өнімдер бар. Қазіргі уақытта компанияның дистрибьюторлық желісінің филиалдары еліміздің 20-дан астам қаласы мен көршілес Бішкек және Ташкент шаһарында жұмыс істейді.
«Eurasian Foods» АҚ өндірістік алаңы Қарағандыда орналасқан. Жалпы ауданы шамамен 10 гектар, оның ішінде өндірістік алаңы – 2,7 гектарды құрайды. Кәсіпорында су өндіру бойынша ұңғымалар, электр энергиясының таратушы қосалқы станциялары, қойма үй-жайлары, теміржол көлігін қоса алғанда, барлық қажетті инфрақұрылым жүйелерімен және коммуникациялармен жабдықталған.
Нұрлан ҚҰМАР
568 рет
көрсетілді0
пікір