• Бизнес & Қоғам
• 07 Қазан, 2021

Танымал теннисші қыздар АІХ-те бағалы қағаздар саудасын ашты

Жақында Astana International Exchange биржасында AIX Qazaq Index-тегі жаңа биржалық ноталар іске қосылды. Бұл бірегей бағалы қағаз аса ірі қазақстандық компанияларға бір мезгілде инвестициялауға мүмкіндік береді.

AIX Qazaq Index АІХ-те, Қазақстан және Лондон қор биржаларында саудалана­тын 8 қазақстандық компания­ның акциялары мен жаһандық- депозитарлық қолхаттарынан тұрады.

«Жаңа биржалық нота сауда-саттық жасау үшін тек биржада ғана емес, сонымен қатар Tabys бөлшек сауда инвесторлары үшін мобильді қосымшада да қолжетімді. Ал бұл табысты қазақстандық компаниялармен бірге кез келген қазақстандық аздаған сомадан бастап инвестициялай және өзінің табысын көбейте алатынын білдіреді», – деп атап өтті AIX басқармасының төрағасы Ренат Бектұров.

Сауда-саттықтың басталға­нын білдіретін іске қосу түймесін әйгілі спортшы, Қазақстан­ның теннистен әйелдер құра­ма ко­мандасының капитаны Ярослава Шведова мен отандық теннистің жаңа жұлдызы Жібек Құламбаева басты. Әлемдік ин­вестиция қоғамдастығында елі­мізді танытатын және ұлттық экономика көшбасшыларының қызметін айқындайтын, алғаш­қы отандық қаржы өнімін  әлем­дік спорт алаңында айғақ­тай­тын спортшы қыздар іске қос­қа­нының символдық мәні бар.

АЙЖАН ЖАСБАТЫРҚЫЗЫ