• Цифрлы Қазақстан
• 14 Қазан, 2021

Қариясын сыйлаған елде қасиет бар

Азаматтық бастамаларды қолдау орталығының қаржылай демеушілігімен Қазақстанда волонтерлерді қарттар үйіне, халықты әлеуметтік қорғау жүйесінің әлеуметтік қамсыздандыру орталықтарына тарту бойынша «Birgemiz: Qamqor» жалпыұлттық жобасы жүзеге асырылуда. Аталған жобаның аясында жыл соңына дейін республикада егде адамдар мен ерекше қажеттілігі бар тұлғаларға ұзақ уақыт бойы күтім жасау жүйесінің әдістемесі әзірленеді.

«Мархабат.KZ» мүгедектер қоғамы» ЗТБ төрағасы Дарын Сағдолдиннің айтуынша, жа­салған әдістеме еңбек жә­не халықты әлеуметтік қорғау министрлігіне тапсырылады. «Ақпарат және қоғамдық даму министрлігінің тапсыры­­сы бойынша әлеуметтік қыз­мет көрсететін ұйымдарда, оның ішінде қарттар үйінде егде адамдарға ұзақ мерзімді күтім жасау жүйесінің моделін енгізуге бағытталған жобаны іске асырып жатырмыз. Осы мақсатта біз еліміздің барлық 34 қарттар үйін аралап, әлеуметтік зерттеу жұмыстарын жүргіз­дік. Нәтижесінде біз қарттар мен ерекше қажеттіліктері бар адамдарға күтім көрсету сапасын жақ­сарту әдістемесін жасап жа­тырмыз. Дәрі-дәрмекпен, азық-түлікпен қамта­масыз ету, тұрмыстық жағдай сияқ­ты барлық сәттерді ескердік. Мәселен, пан­демия кезінде дәрі-дәр­мекті қамтамасыз ету жағы­нан проблемалар болды. Келешекте мұндай жағдайлар қайталанбас үшін әзірленген әдістемеде біз оларды шешу­дің жолдарын қа­растыра­мыз. Аталған әдіс­те­мені іске асыруда еңбек және әлеумет­тік қорғау минис­трлігі­не береміз. Оның тұ­сауке­серін биылғы жылдың соңында өткізуді жоспарлап отырмыз», – деді ол.

Сонымен қатар, «Birgemiz: Qamqor» жалпыұлттық жобасы қарттар үйлеріне, халықты әлеуметтік қорғау жүйесінің әлеуметтік қызмет көрсету орта­лықтарына волонтер­лерді тарту жөніндегі әлеумет­тік қорғау басқармаларымен 5 мемо­ран­думға қол қоюды, қарттар үшін мәдени-демалыс іс-шара­ларын өткізуді көз­дейді.

Салтанат ҚАЖЫКЕН