- Бизнес & Қоғам
- 21 Қаңтар, 2022
Үкіметтік емес ұйымдарға 50-ден астам грант бөлінбек
Азаматтық бастамаларды қолдау орталығы Ақпарат және қоғамдық даму министрлігінің тапсырысына сәйкес, үкіметтік емес ұйымдар үшін 53 тақырып бойынша 2022 жылға мемлекеттік гранттар ұсыну жөнінде конкурс жариялады.
Мемлекеттік гранттық жобалар адам, балалар құқықтарын қорғау, гендерлік теңдікті дамыту, білім беру, денсаулық сақтау, қоршаған орта және ұлттық бірлікті ілгерілету сияқты қоғамның әлеуметтік, мәдени салаларының 12 бағытын қамтиды. Қазіргі уақытта Азаматтық бастамаларды қолдау орталығы үкіметтік емес ұйымдардан өтініштер қабылдап жатыр. Құжаттарды қабылдау биылғы жылдың басынан келесі айдың ортасына дейін жалғасады. «Өткен жылдардағыдай біз шағын гранттар, әдістемелік, талдамалық, ұйымдастырушылық көмек сияқты құралдар арқылы ҮЕҰ-ға, азаматтық бастамаларға жан-жақты және көпбейінді қолдау көрсетуге бағытталған жұмысты жалғастыратын боламыз. Орталық, ең бастысы, мемлекеттік және мемлекеттік емес қаражатпен жұмыс істей отырып, гранттарды іске асырудың ашықтығы мен есептілігіне басты назар аударылатын болады», – деп мәлімдеді Азаматтық бастамаларды қолдау орталығы басқармасының төрайымы Лима Диас.
Мемлекеттік гранттарды ұсыну конкурсына қауқарсыз деп танылған (банкрот), мүлкі қамауға алынып, қаржылық әрекеті тоқтатылған, тарау үдерісінде тұрған ҮЕҰ-дан өзге, гранттарды алу үшін өтінім жасаған, ҮЕҰ-ның мәліметтер базасында тиісті деректері бар және конкурсқа қатысу үшін бекітілген талаптарға сәйкес өтінім ұсынған үкіметтік емес ұйымдар қатыса алады.
Айжан ЖАСБАТЫРҚЫЗЫ
1846 рет
көрсетілді0
пікір