• Бизнес & Қоғам
  • 28 Қаңтар, 2022

Елімізде қанша шетелдік маман жұмыс істейді?

Қазақстанда 16 мыңнан астам шетелдік жұмыс істеп жатыр. Республикамыздағы шет мемлекеттерден келіп жұмыс істеп жүргендердің  басым көпшілігі – Қытай азаматтары, деп хабарлайды Energyprom.kz сайты. 

Атап айтқанда, өткен жылдың 1-ші қарашасына біздің елімізде 16,1 мың шетелдік азамат жұмыс істеген, бұл оның алдындағы жылға қарағанда – 1,4 пайызға артық деген сөз. 
Басшы және олардың орынбасарлары болып жұмыс істеген шет елдіктердің саны соңғы бір жылда 1,7 пайызға, яғни  647 адамға дейін қысқарған. Ал құрылымдық бөлім­шелер басшыларының саны 6,1 пайызға, 3,2 мың адамға дейін азайған. 
Елімізде жұмыс жасаған шет­елдік мамандар саны 7,7 мың адамды құрапты, бұл бір жыл бұрынғыдан – 6,1 пайызға көбірек. 
Білікті жұмысшылар саны 718 адамды құраса, маусымдық кезең қызметкерлері – 769 адам, ал кор­поративтік ауыстыру жолымен 2 мың адам жұмыс істепті (кесте).
Елімізде өткен жылдың 1-ші қарашасына шетелдік жұмыс күшін пайдаланатын 1,7 мың жұмыс беруші тіркелген. Сонымен қатар оларда  458 мыңнан астам Қазақстан азаматтары жұмыс істейді. 
Еліміздегі шетелдік жұмыскер­лердің көпшілігі Қытай азаматтары болып табылады: 4,1 мың адам, бұл бір жыл бұрынғыдан – 17,6%-ға көбірек. 
Сырттан жұмыс күші келетін елдердің алдыңғы үштігі қатарына сондай-ақ Түркия (2,1 мың адам) мен Өзбекстан (1,8 мың адам) еніп отыр. ТОП-5 елді Үндістан (1,2 мың адам) мен Ұлыбритания (1 мың адам) қорытындылайды (1-инфографика).


2021 жылдың үш тоқсанының қорытындысы бойынша елімізге 7,2 мың адам келген, бұл бір жыл бұрынғыдан – 21,5 пайызға кем. Соның ішінде 6 мың адам – жұмысқа қабілеттілер: жылға шаққанда минус 12,1% құраған. 
Елімізге келгендердің неғұр­лым көбірек саны Маңғыстау облы­сының еншісінде – 1,3 мың адам. Бұл ретте алдыңғы аймақтардың үштігіне сондай-ақ Алматы мен Шымкент қалалары да кіріп отыр. Сырттан жұмысқа келгендер онша қызығушылық таныта қоймаған аймақ Қызылорда облысы: бар-жоғы 6-ақ адам. 
Елімізге келгендердің арасын­дағы 711 адам Қазақстанға жұмыс бабымен келдік десе, 209 адам – оқуға келдік деген (бір жыл бұрын­ғыға қарағанда, тиісінше, 1271 және 84 адам болған) (2-инфографика).
Бұл ретте 500-ден астам отан­дық жұмыс берушілер шетел­дік жұмысшы күшін заңсыз пай­даланғандары үшін жауап­керші­лікке тартылды, деп хабарлайды Ішкі істер министрлігінің Көші-қон қызметі жөніндегі комитеті.
Жедел алдын алу шараларын өткізу кезінде елімізде 11,9 мың көші-қон заң бұзушылығы анық­талған. Соның ішінде 8,9 мың – елімізде болу ережесін бұзған, 2809 – шетелдіктер тарапынан заңсыз еңбек ету фактілері тіркелген.

Ақерке Қасымбекқызы

1681 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

TENGE MONITOR №15

15 Сәуір, 2021

Жүктеу (PDF)

Редактор блогы

Қуантайұлы Нұржан

“TENGE MONITOR” газетінің Бас редакторы