- Цифрлы Қазақстан
- 03 Ақпан, 2022
Жаңа технологиялар өндіріске толық енгізілді
Қазыналы Маңғыстау өлкесінде жарты ғасырдан астам уақыт мұнай сервисі нарығында қызмет етіп келе жатқан көпбейінді кәсіпорын «Мұнайтелеком» ЖШС – инновациялық технологиялар мен соны жетістіктерді өндіріске енгізу арқылы еңбек өнімділігі мен тиімділігін едәуір арттыруға қол жеткізіп, зымыран уақыт талабымен үндесе білген компания. Осы ретте «Цифрлы Қазақстан» бағдарламасы аясында компанияда атқарылған ауқымды істер мен алдағы жоспарлар туралы «Мұнайтелеком» ЖШС бас директоры Ербол МҰҚАШЕВ әңгімелеп берді.
– «ҚазМұнайГаз» ұлттық компаниясының 100% еншілес және бағынысты ұйымы болып табылатын серіктестік қызметінің басты бағыты клиенттердің сұранысын және жұмыс тиімділігін қамтамасыз ету үшін инновациялық технологияларды, сондай-ақ қызметтің жаңа түрлерін дамыту болып табылады.
Бүгінгі таңда «Мұнайтелеком» компаниясы өндіріске жаңа ақпараттық технологияларды, соның ішінде Ұшқышсыз ұшу аппараты технологияларын, сондай-ақ «CLADO» сапа менеджменті жүйесі өлшемдерін белсенді түрде енгізуді қолға алды.
Жаңа перспективалы бағытты дамыту жергілікті жер немесе нысан туралы кеңістіктік деректерді неғұрлым экономикалық және технологиялық тұрғыда негізделген тәсілмен алуға мүмкіндік береді. Яғни ұшқышсыз ұшу аппараттарының көмегімен кен орындарына мониторинг жүргізу, өзіндік құнын едәуір төмендету және жүргізілетін жұмыстардың мерзімін біршама қысқарту есебінен атқарылатын шаруаның экономикалық тиімділігін елеулі арттыруға қол жеткіземіз. Сонымен қатар ұшқышсыз ұшу аппараттарын қолданудың маңызды артықшылықтарының бірі – тікелей зерттеу аймағында адамдардың болуын қажет етпейтіндігіне байланысты адам факторына қатысты тәуекелдерді азайту болып табылады.
Жақында «Мұнайтелеком» ЖШС аэрофототүсірілім жұмыстарын жүзеге асырды. «ҚазМұнайГаз» ҰК АҚ топтары, сондай-ақ басқа да еліміздің жер қойнауын пайдаланушылардың қажеттіліктеріне орай ортофотожоспарлар құру үшін жерді кешенді және дәйекті геодезиялық түсіруді орындауға мүмкіндік беретін ұшқышсыз ұшу аппаратын сатып алды.
Өткен жылы «Мұнайтелеком» ЖШС «Маңғыстаумұнайгаз» АҚ үшін Қаламқас кен орнының келісімшарттық аумағында гео-экологиялық аэрофототүсірілім жұмыстарын жүргізді.
2021 жылдың 14 желтоқсанында «Мұнайтелеком» ЖШС ахуалдық орталығында экологиялық және маркшейдерлік қызметтер үшін орындалған жұмыстардың тұсаукесері өткізіліп, аэрофототүсірілім нәтижесінде алынған бейне және құжатталған фото-материалдар ұсынылды.
ҰҰА құралдарымен жерді қашықтықтан зондтау – экологиялық мониторингтің ең тиімді құралы болып табылады. Даулы жағдайлар туындаған күнде жерді қашықтықтан зондтау деректері – бірлескен деректері бар ортофотожоспарлар (коммуникациялар, құбырлар, жолдар, ұңғымалар, жергілікті жер бедері, шекаралас жатқан шаруа қожалықтары, ластану алаңдары) – табиғатқа келтірілген зиянның құжаттық дәлелі болып табылады.
«Цифрлық Қазақстан» мемлекеттік бағдарламасын іске асыру жөнінде қолға алынған бастамалар аясында «Мұнайтелеком» ЖШС кеңістіктік деректерді санды түрде тиімді және қолжетімді пайдалану үшін кеңістіктік деректердің ұлттық инфрақұрылымын құруды жоспарлаған болатын. Осы ретте 2021 жылы күшіне енген «Қазақстан Республикасы геодезия және кеңістіктік деректер туралы» заңының негізінде болашақтың технологияларын дамыту және экономиканы цифрландыруды ынталандыруға мүмкіндік беретін заңнамалық өзгерістер қабылданатын болады.
Топографиялық-геодезиялық жұмыстарды орындау үшін ұшқышсыз ұшу аппараттарын қолдану, оның ішінде М1:500-1:10000 жергілікті жердің ортофотожоспарларын жасау, жергілікті жер бедерінің цифрлық моделін құру, нысандарды векторлау, кен орындары инфрақұрылымы нысандарын түгендеу, кен орындарындағы ластануларды гео-экологиялық зерттеу жұмыстары қолға алынатын болады.
Ұшқышсыз ұшу аппараттары арқылы түсіру негізіндегі ортофотожоспар құны (оның ішінде жер бедерінің цифрлық моделін құруға және фотограмметриялық өңдеуге арналған шығындары) – төмен, ал кеңістіктік рұқсат етілгені өзекті ғарыштық түсірілімдер негізінде дайындалған ортофотожоспардан әлдеқайда жоғары.
«CLADO» САПА МЕНЕДЖМЕНТІ ЖҮЙЕСІ
Өткен жылы «Мұнайтелеком» ЖШС қолға алған «CLADO» сапа менеджменті жүйесін енгізу жұмыстары қазіргі уақытта аяқталу сатысында. Осы ретте «CLADO» сапа менеджменті жүйесі дегеніміз не деген сауалға кеңінен тоқтала кетейін. Нақты корпоративтік үдерістерді басқару үнемі өзгеріп отыратын қазіргі жағдайлар аясында стратегиялық және тактикалық міндеттерді тез және тиімді шешуді талап етеді. Әрбір маман өзінің кәсіби қызметінде, тіпті әртүрлі деңгейдегі басшылар да жаңа еңбек құралдарын, соны технологиялар мен стандарттарды ойлап тауып, өндіріске енгізу арқылы өзі басқаратын иә еңбек ететін кәсіпорынның жұмысын ұтымды етуге бейім.
Әлеуметтік, басқарушылық ойлаудың белгілі бір алғышарттары мен ерекшеліктеріне сүйене отырып, корпоративті басқару қашанда басқару жүйелерін зерттеуді және нақты қызмет жағдайында басқарудың қолданбалы үлгілерін енгізуді, ұйымды дамытуды қажет етті. Осы мақсатта күрделі өндіріс процестерінің әр сатысында өнімнің, ресурстардың сапасын бақылау үдерістерін және басқару әдістерін сипаттайтын сапа менеджменті стандарттары әзірленді.
Бірінші Халықаралық сапа менеджменті стандарты – ISO 9001 стандарты болды. Сондай-ақ басқарудың бірнеше ұлттық стандарттарын атап көрсетуге болады:
• PMBOK (АҚШ);
• PRINCE2 (Ұлыбритания);
• Ұқыпты өндіріс (Жапония).
Жоғарыда аталған ұлттық стандарттардың авторлары ISO9001-де көрсетілген ұйымдардың жұмыс сапасына қойылатын талаптарды белгілі бір дәрежеде орындауға тырысады.
Корпоративтік басқарудың осы стандарттарының дамуы ұлттық ойлаудың ерекшеліктерін, осы аймақтардағы жеке және ұжымдық еңбекті ұйымдастыру мәдениетін ескере отырып жүзеге асырылды. Сондықтан бұл Ресей Федерациясында жоғарыда аталған тұжырымдамалар мен басқару стандарттарын сөзсіз және толық пайдалануға мүмкіндік бермейді.
Ресейлік ғалымдар мен мамандар әзірлеген «Кладо» сапа менеджменті жүйесі әлемнің әр түрлі елдеріндегі еңбекті ұйымдастырудың ерекшеліктерін ескере отырып жасалған. Жүйе кез-келген ел үшін кәсіби қызметтің барлық түрі бойынша іскерлік процестерді басқарудың әмбебап қағидаларының (нұсқаулықтарының) қажетті және жеткілікті жиынтығын, сондай-ақ мамандар даярлау бағдарламасын қамтиды. Бұл жүйе кез келген маманның, бөлімшенің жобалық және тұрақты қызметін басқару сапасын барынша жылдам арттыруға және жалпы корпоративтік басқару жүйесін күшейтуге мүмкіндік береді.
«КЛАДО» сапа менеджменті жүйесі – бұл күрделі өндірістік процестерде жүйені практикалық қолданудың оң нәтижелері бар басқару құралы.
«КЛАДО» сапа менеджменті жүйесі бір уақытта ISO халықаралық стандартының идеясын және менеджмент саласындағы басқа тұжырымдамаларды, тәсілдерді жүзеге асыруға мүмкіндік береді. Яғни компанияның немесе мекеменің жоғары басшылығын ISO-да дамыған менеджмент талаптарына тез қол жеткізу үшін барлық қызметкерлердің жұмысын сапалы ұйымдастырудың құралымен қамтамасыз етеді.
«КЛАДО» сапа менеджменті жүйесі Ресейдің, сондай-ақ АҚШ Халықаралық патенттік және авторлық құқық тізілімінде тіркелген менеджмент саласындағы көптеген ғылыми жаңалықтарға ие. Атап айтқанда:
• Бірыңғай процестік желіге интеграциялау мақсатында кез-келген қиындық пен ауқым бойынша бизнес-процестерді сипаттау мен жүйелеудің әмбебап технологиясы;
• Шығындарды азайту, ресурстарды басқару сапасын арттыру мақсатында әр түрлі өндірістік ресурстардың әмбебап жіктеуіші;
• Ұйым қызметкерлері арасындағы өзара іс-қимылдың және жалпы ортамен өзара қарым-қатынастың этикалық-адамгершілік қағидаттарының пирамидасы;
• «Жалпы басқару терминдерінің сөздігі» белгілі бір терминнің нақты және толық мағынасын, сипаттамасын ашатын жалпы басқару терминдері мен анықтамаларының қажетті және жеткілікті санын пайдалану арқылы бірыңғай тұжырымдамалық аппаратты қабылдау мақсаты;
• Жұмыс барысындағы әр түрлі жағдайларда әріптестердің, контрагенттердің үлгі етерлік мінез-құлқы қандай болуы керектігі туралы, қызметкерлер арасындағы жасырын және ашық қақтығыстардың санын азайту мақсатындағы «Жалпы басқару ережелерінің жиынтығы» ;
• Кез-келген компанияның немесе мекеменің, демек, кез-келген қызметкердің, ұжымның өзін-өзі ұйымдастыру деңгейін жоғарылату мақсатында құрылған бес негізгі субъектінің сипаттамасы;
• Ұйым ішінде қызметкерлермен, контрагенттермен қарым-қатынас сапасын жақсарту мақсатында «Ұйымның бірыңғай семантикалық желісінің» архитектурасы;
• Көптеген біріктірілген мәліметтер базасынан/қызметкерлердің білімінен тұратын ұйымның бірыңғай дерекқорын/білімін пайдалану мақсатында «Қызметкердің сандық қалтасының» әмбебап архитектурасы;
• Тәуекелдерді ұйымдастыру мен басқарудың, бизнес-процестер мен стратегиялық жоспарлау сапасын арттыру мақсатында «Аумақтық құрылымдардың макроэкономикалық процестерінің әмбебап матрицасы» және «КЛАДО» сапа менеджменті жүйесінің басқа элементтері. Бұл ұйымға қысқа мерзімде жұмыс процестерін басқарудың жаңа, жетілдірілген деңгейіне өтуге мүмкіндік береді.
10439 рет
көрсетілді0
пікір