- Көкейкесті мәселе
- 19 Мамыр, 2022
Дені сау отбасы – бақытты болашақ
Балқаш қаласының №1 емханасы, «Ғибрат» жастар денсаулық орталығы Балқаш қаласының жастар ресурстық орталығының ұйымдастыруымен балалар жылы аясында көптеген игі шараларды жүзеге асырды.
Қарағанды облысына қарасты Балқаш қаласының Саяқ ауылындағы емханада тар сала мамандары балаларды медициналық тексеруден өткізді. Сонымен қатар балалар офтальмологтың, невропатологтың, хирургтың консультациясын алды. Дәрігерлік амбулаторияда физиокабинет ашылды, кабинет магнитотерапияға арналған «Полимаг», УВЧ, дарсонвализация, «Поток» электрофорез аппараты, кварц түтігі сияқты құрылғылармен жабдықталды. Сондай-ақ, ауылдың жас тұрғындары ауылдық дәрігерлік амбулатория жағдайында тұз шахтасына бара алады. Саяқ ауылындағы дәрігерлік амбулатория емхана жанында жұмыс істейді. Мұнда ауыл тұрғындарына медициналық қызмет көрсету сапасын арттыруға барынша жағдай жасалған.
Сонымен қатар балалар жылына, сондай-ақ Халықаралық отбасы күніне арналған «Шәкірт саулығы» іс-шараларын жүзеге асыру аясында «Дені сау отбасы – бақытты болашақ» атты Балқаштағы Хамзин мәдениет сарайында қала тұрғындарына арналған шара өтті. Оған қала тұрғындары отбасыларымен қатысты. Бұл күні ата-аналар мен балалар педиатрдың, дефектологтың, психологтың кеңесін алды. Отбасының әрбір мүшесі қан қысымын анықтап, холестерин мен қандағы глюкоза деңгейін тексерді. Сабақ кезінде демалуға және адамның психоэмоционалдық жағдайын қағаз бетіне түсіруге мүмкіндік беретін арт-терапияға балалар мен ересектер ерекше қызығушылықпен қатысты.
Іс-шараның мақсаты – отбасында салауатты мінез-құлық, жанұядағы пайдалы дағдыларды қалыптастыру, мекемені, отбасын нығайту, отбасында салауатты өмір салтын қалыптастыру.
АЙЖАН ЖАСБАТЫРҚЫЗЫ
381 рет
көрсетілді0
пікір