• Білім & Ғылым
• 28 Шілде, 2022

GEM-SILKWAY жазғы мектебі ашылды

Сейсенбі күні Кенжеғали Сағадиев атындағы Халықаралық бизнес университетінде Италияның Бикокка университеті мен (Università degli Studi di Milano – Bicocca) Л.Н. Гумилев атындағы Еуразия ұлттық университетінің бірлескен Green Energy Management-SILKWAY халықаралық жазғы мектебінің сал­танатты ашылу рәсімі болып өтті.

GEM-SILKWAY негізгі мақ­саты жазғы мектеп қа­тысушыларына жасыл энергетиканы басқару саласын­дағы шетелдік және отандық профессорлар мен ғылым қай­раткерлерінің озық тә­жіри­бесімен бөлісіп, қазіргі күні жасыл экономика проблемасы әлем бойынша технологиялардан геосаясатқа, экономика мен әлеуметтік ғылымдар саласына дейін өзекті мәселелердің бірі болып отыр­ғаның ескеріп аталған шараны жүзеге асыруда.

Қазіргі таңда еліміз тұрақты энергетикаға көшу үстінде. Осы орайда соңғы жылдары ғаламды дүрліктірген COVID-19-дан кейін GEM (Green Energy Management) өзінің 12-ші мәртесінде елімізге келді. Қазақстан қарыштап дамы­ған ел ретінде батыс әлемі үшін ашық болуға және толық көлемде ын­тымақтасуға ұмтылады. Бүгінгі күні GEM-ді SILKWAY басқарып, Еуропа мен Азия ғалымдарының қауым­дастығынан құрылған.

GEM – SILKWAY бағдарла­масы инновациялық технологиялар мен энергетика, халықтың коммуникациялық байланысын тарихи Жібек жолы еуразиялық экономикалық елдердің қарым-қатынасын жаңғырту аясында зерттеуде. Профессор Сильвана Стефани (Università degli Studi di Milano-Bicocca), «Энергетикалық бағыттың заманауи технологиялырын дамытуда, тарихи зерттемелерді жаңа бағытта заман талабына сай адамзат пайдасына шешілу керектігін. Соңғы жағдайда әлемдік ахуалдың тежелуі, халық арасындағы байланыстың экономикалық және инновация­лық бірлігінің негізінде жүзеге асып жатқанын көрсетіп отыр», – деп атап өтті.

GEM-нің 11-ші рет өткен жазғы мектебінде дүниежүзінің студент­тері (Шығыс және Батыс Еуропа, Африка, Азия, Оңтүстік Америка) өз тәжірибелерімен бөлісіп және өзара байланыс орнатып, жаңа жобалары ұсынған болатын. Аталған бағдарлама серіктестіктер арасында бизнеске қатысты бірлескен бастамаларды талқылап, акаде­мия­лық топтар мен азаматтық қоғамдастық байланыс орнатып және сол арқылы қоғамның барлық деңгейінде зерттеу жүргізіп қана қоймай білімін шындауға әрі алған білімдерімен бөлісуге негізделген.

Иә,UIB қабырғасында өт­кен бұл шара маңызды энер­гетикалық тақырыптарды қам­тып, жалпы кіріспе бағыттан кейін (әлемнің, Еуропа­ның, Орталық Азия мен Кавказ­дың энергетикалық сценарийлері, әлеуметтік және экономика­лық тұ­рақтылық мәселелері) gem-silkway қаты­сушылары гуманитарлық ғы­лымдар (энергетика аясындағы әлеу­меттік және адами проблемалар, жаңа экономикалық география, Ор­талық Еуразияға баса назар аударатын энергетика­лық саясат) және техникалық (қоршаған ортаға зияны төмен энергия көздерін пайдалану, тұрақты ұтқырлық, энергетикалық қар­жыландыру) сала бойынша екі бағыттағы оқытудың бірін таңдайды.

Бағдарламаның үйлес­ті­ру­шісі Милан-Бикокка уни­вер­ситеті материалтану фа­культетінің профессоры Маурисио Аччарри. «Бұндай кез­де­сулердің ең басты ерек­шелігі, қатысушылар мен спи­кердің ой-толғаныстары, көз­қарастары мен өткір пікірлері әлемдік дамудың жаңа бағыты коммуникациялық қарым-қа­тынастарды прагматика­лық идеяларды іске асыра отырып, жаңа тәжірбиелермен әлемдік жасыл экономиканы тұрақты түрде дамытуға қолдау көрсете­тін ең үздік жобалар­дың бірі», – деді ол. GEM – SILKWAY-дің басты мақсаты шетелдік студенттерге жасыл энергияны басқару саласында техникалық ғылымдардан экономика, қаржы және гума­нитарлық ғылымдарға дейін кең перспективасы бар бірін­ші деңгейлі дайындықты қамтамасыз етудегі аталған бағыттарды ұсынып отыр.

Кенжеғалы Сағадиев атын­дағы Халықаралық бизнес универ­ситеті бұдан өзге аухымды халықара­лық дәрежедегі (Эразмус+PICASP DeSTT) рес­публикалық және жоғары оқу орындары арасындағы жобаларды профессор-оқытушылар, студенттер, магистранттар мен докто­ранттар бірлесіп іске асыруда.

Шұға АБУЕВА,

филология ғылымдарының

кандидаиты,

доцент,

Естай ЖҮНІСБЕКОВ,

 саяси ғылымдар магистрі