• Цифрлы Қазақстан
• 11 Тамыз, 2022

Ел игілігіне арналған бастамалар

Алматыда Халыққа қызмет көрсету орталықтарында (ХҚО) жыл­дам қызметтер аймағы ашылды.

Енді қызмет алушылар опе­раторларға жүгінбей-ақ, жылдам қызметтер аймағына талон алып, 5 минутта жұмысын бі­тіре алады. Жылдам қызметтер аймағында қызмет алушылар үшін бөлек электрондық кезек қарастырылған. Қызмет алушы қызмет көрсету залындағы операторларға жүгінбей-ақ, бірден жылдамдық аймағынан қызмет ала алады.

«Азаматтарға арналған үкімет» мемлекеттік корпо­ра­­ция­сының қызмет көрсе­ту­дегі фактор­ларының бірі – халық­қа сапалы әрі жылдам қызмет көрсету. Осы орайда филиалдың 8 аудандағы фронт-офистерінде жылдам­дық аймағы жұмыс істей бастады. Жылдамдық аймағының жұмыс мәні – қызмет алушы залдағы операторларға өтіп, 20-25 минут күтіп отырмайды. Ресепшнге жақын орналасқан жылдамдық аймағына өтіп, 5 минутта жұмысын бітіре алады. Қала бойынша жылдамдық аймағы үшін 54 жұмыс орны қарастырылды. Мұнда азамат­тарға 5 минут ішінде жылдам қызметтер көрсетіледі», – дейді «Азамат­тарға арналған үкімет» мемле­кеттік корпорация­сы Алматы қаласы филиалының директоры Абдурасул Кулдашов. Жылдам қызметтер аймағында соттылықтың болуы немесе болмауы туралы анықта­ма беру, Қазақстан халқының тұрғылықты жері бойынша тіркеу, тұрғылықты жері бойынша тіркеуден шығару, салық төлеушілерді тіркеу, жылжымайтын мүлік объек­тілерінің жоспарын (схемасын) қоса алғанда, тіркеу органы куәландырған тіркеу ісі құжаттарының кө­шірмелерін беру, ЭСҚ алу, мектепке дейін­гі ұйымдарға жіберу үшін мектепке дейінгі (6 жасқа дейін) жастағы балаларды кезекке қою, жылжымайтын мү­лік объектілерінің мекенжайын айқындау жөнінде анық­тама беру секілді қызметтер көрсетіледі.

САЛТАНАТ ҚАЖЫКЕН