- Отандық өнім
- 16 Қыркүйек, 2022
Отандық тұтынушыларды қорғау мақсатында
Өткен аптада Премьер-министрдің орынбасары – Сауда және интеграция министрі Серік Жұманғариннің төрағалығымен Техникалық реттеу және метрология Комитеті және «Қазақтелеком» АҚ тауарларды бақылап отыруды таңбалаудың бірыңғай операторына байланысты кездесу өткізді.
Онда бірыңғай оператор жобалары, даму перспективалары мен аталған саладағы негізгі міндеттер, атқарылып жатқан істері туралы баяндалды.
Қазақстанда тауарларды цифрлық таңбалау мен бақылап отыруды енгізу жөніндегі жұмыс адал бәсекелестікті қамтамасыз ету және көлеңкелі нарықпен күрес мақсатында 2018 жылы басталғаны белгілі. Бүгінгі таңда міндетті таңбалау төрт тауар тобы бойынша енгізілді. Оларға үлбір бұйымдар, темекі өнімдері, аяқ киім тауарлары және дәрілік заттар кірсе, орамадағы су, құрамында қанты бар сусындар әрі зергерлік заттар бойынша қанатқақты жобаларды атауға болады. Өткен жылы жеңіл өнеркәсіптің жекелеген тауарларын таңбалау жөнінде қанатқақты жоба аяқталған.
Міндетті таңбалауды енгізу туралы шешім «Атамекен»ҰКП келісімімен осы жобаның қорытындысы бойынша қабылданған болатын.
«Мен тауарларды таңбалау жобасын енгізудің негізгі міндетін бірінші кезекте отандық тұтынушылардың құқығын қорғау құралы ретінде қарастырамын»,– деді министр. Ол үшін барлық мүдделі қатысушылардың пікірін тыңдап, салалық қауымдастықтармен кездесу өткізу керек. Жан-жақты талқылау қорытындысынан кейін ғана шешімдер қабылданады. Осы жобаға бизнес өкілдері ерікті негізде қатысып, ұзақтығы орта есеппен 1,5-2,5 жылды құрайды.
ГҮЛМИРА МЕРАЛИНА
380 рет
көрсетілді0
пікір