• Мәдениет & Спорт
• 17 Қараша, 2022

ЖАТАҒАН (ШРЕНК) ШЫРШАСЫ

Жатаған шыршасы Тянь-Шаньның эндемигі және реликті болып саналады. Өйткені бұл ағаш сонау мұз дәуірінен бері осы жерде, Солтүстік Тянь-Шань тауларында орманды алқап болып өседі. Сондықтан да оның екінші атауы Тянь-Шань шыршасы деп аталады. Түрген өзені атырабында көне Шынтүрген мүкті шыршасы сақталған. Жатаған шыршасының ағаштары 60 метр биіктікке, діңі 2 метрге дейін жетеді. Шренк шыршасының тәжі ұзынша пирамида пішінді, тік әрі биік келеді. Шырша таулардың солтүстік баурайларында өседі. Биік белдеуде қалың өскен шренк ормандары кездеседі. Солтүстік Тянь-Шаньның таулы экожүйесінде шренк шыршасының ормандары екі маңызды қызмет атқарады: бірі – топырақ қорғау болса, екіншісі – су қорғау. Шренк шыршасының орманды алқаптары Алматы қорығы мен Жетісудың Іле Алатауы, Көлсай көлдері және Жоңғар Алатауы ұлттық қорықтарында сақталған.