• Білім & Ғылым
• 15 Желтоқсан, 2022

Ғылым, білім және тәжірибе интеграциясы

Әл-Фараби атындағы ҚазҰУ зерттеу университеті мәртебесін алғаннан кейін Тарих факультетінің «Дүниежүзі тарихы, тарихнама және деректану» кафедрасы 2022-2023 оқу жылында «Зерттеу университетінің» индикаторларын оқу үрдісіне қосты.

Тәжірибе мен білім беру процесін интеграциялау, уни­верситеттік білім берудің перс­пективалы моделін қалып­тас­тыру және академиялық көш­басшылықты қамтамасыз ету сияқты индикаторлар биылғы оқу жылында басты назарда болады.

Осы мақсат аясында Қазақ­стан Республикасы Прези­дентінің архивімен бірлесіп жү­зе­ге асырылып жатқан дуалды білім беру жобасы іске қосылды. Дуалды білім беру аясында студенттер теория­лық білімді университетте, практикалық дағдыларды Президент ар­хивінде, яғни тікелей жұмыс орнында алады. Кафедраның «Архив­тану, құжаттану және құжат­таманы басқаруды қамта­масыз ету», «Сандық архив­тану және құжаттану» білім беру бағдарламаларының бакалавриат, магистратура және докторантура сатылары бойынша білім алушылары тәжірибелік дағдыларды бо­лашақ жұмыс орындарында меңгереді. Сонымен қатар, Президент архивінің қыз­меткерлері жұмыс беруші әріптестер ретінде кафе­дра штатына тартылған.

Кафедра оқу үрдісіне жұмыс берушілер ретінде «Алматы қаласының мем­лекеттік ар­хиві», «Ор­та­лық мемлекеттік кино-фото құжаттар мен ды­быс жазбалар архиві», «ҚР ОМ ғы­­лыми-техникалық құжат­тама архиві», «Астана қаласы­ның мемлекеттік архиві», «ҚР Ұлттық кітапханасы», «Назарбаев зияткерлік мек­тебі», «Өрлеу» білік­тілікті арттыру ұлттық орталығы» сияқты мекемелермен әріп­тес­тік байланыста жұмыс жа­сайды.

Кафедра бүгінде заманауи білім беру нарығында сұра­нысқа ие баламалы оқыту форматтарын белсенді түрде қолданып отыр. Шетел­дік оқытушылар мен зерт­теу­шілердің үлесін ұлғай­ту мақсатында Волкан Ипек (Түркия), Музеин Карабаг (Түркия), Виктор Деннинг­хаус (Германия), Наталья Яшина (Ресей) сияқты же­текші ғалымдар кафедра мамандықтары бойынша білім алушыларға дәрістер оқып жатыр.

Тарих мамандығының ма­гистратура сатысындағы Ла-Сапиенца университеті­мен (Италия), Архивтану және құжаттану маман­дығында Ресей мемлекеттік гуманитарлық универси­тетімен қос диплом­ды бағ­дарламалар бар. Окс­форд университетімен, Невада университетімен, Адам Миц­кевич атындағы Познань университетімен, Мария Скло­довская-Кюри университе­тімен, Жапонияның Токио университетімен кафедраның «Ынтымақтастық туралы ме­мо­­ран­думдары» бар.

Мемлекет саясатының басты бағыттарының бірі – жастарды сапалы білім алу мүмкін­дікте­рімен қамтамасыз ету екен­дігін назарда ұстаған әл-Фараби атындағы Қазақ ұлттық универ­ситетінің тарих факультеті дамыған елдердің прогрессивті тәжі­рибесіне сүйене отырып, ма­ман дайындаудың сапасын жетілдіру мақсатына белсенді жұмыс жасап отыр.

Рыскелді МЫРЗАБЕКОВА,

Әл-Фараби атындағы

Қазақ ұлттық университеті

«Дүниежүзі тарихы, тарихнама және деректану»

кафедрасының меңгерушісі,

т.ғ.к., профессор