• Қаржы
• 16 Сәуір, 2014

2014 жылғы ақпанда халықтың ақшалай табыстары 56 618 теңгені құрады

2014 жылғы ақпанда халықтың орташа жан басына шаққандағы атаулы ақшалай табыстары алдын ала берілген деректер бойынша 56618 теңгені құрап, 2013 жылғы тиісті кезеңмен салыстырғанда 8,9%-ға артты. Нақты ақшалай табыстар 3,3%-ға өсті деп хабарлайды ҚР Статистика Агентігінің баспасөз қызметі.

2014 жылғы ақпанда орташа жан басына шаққандағы ақшалай табыстардың көлемі бойынша Атырау облысы, Алматы және Астана қалалары алдыңғы қатарда, мұнда осы көрсеткіш орташа республикалық деңгейден 2,1 -1,6 есеге артық.

2014 жылғы ақпанда табыстары ең төмен өңірлер қатарында Оңтүстік Қазақстан, Жамбыл және Ақмола облыстары белгіленді, осы өңірлерде халықтың табыс мөлшері республикалық деңгейден 61,9%-дан 83,1%-ға дейін құрады. Сонымен бірге, халықтың нақты ақшалай табыстарының ең көп өсу қарқыны Атырау және Алматы облыстарында белгіленді.

2014 жылғы ақпанда өңірлер бойынша атаулы ақшалай табыстардың ең жоғары және ең төмен мөлшерлері арасындағы арақатынас 3,4 есені құрады (2013 жылғы ақпанда – 3,1 есе).