- Білім & Ғылым
- 20 Тамыз, 2020
Аналарға құрмет көрсетілді
«Азаматтарға арналған үкімет» мемлекеттік корпорациясы Алматы қаласы филиалының Алатау аудандық фронт-офисі соңғы екі айда 3,5 мыңға жуық өтініш қабылдаған. Бұл туралы филиал директоры Данияр Қырықбаев өзінің фейсбук парақшасында жазды.
Алматы қаласының Халыққа қызмет көрсету бойынша №1 Алатау аудандық бөлімі карантин кезінде клиенттерді дүйсенбі мен сенбі аралығында сағат 9.00-ден 16.00-ге дейін қабылдайды. Осы қиын кезеңде бөлім күніне 15-20-дан астам электрондық өтініштерді қабылдап, өңдеуде. Сондай-ақ, алдын ала жазылу бойынша фронт-офисте де азаматтарды қабылдау жүргізіледі. Бөлім карантин кезіндегі соңғы екі айда 3,5 мыңға жуық өтініш қабылдапты. Атап айтқанда, «Жүктілік пен босануға байланысты табысынан айрылған жағдайда төленетін әлеуметтік төлем» бойынша – 1000 өтініш, «Бала туғанда және бала күтімі бойынша жәрдемақы тағайындау» қызметі бойынша – 1013 өтініш, «Баланың тууын тіркеу, оның ішінде азаматтық хал актілері жазбаларына өзгерістер, толықтырулар мен түзетулер енгізу» бойынша – 1150 өтініш қабылдаған. Жуырда бөлім қызметкерлері болашақ аналар мен Алатау ауданының кейбір ата-аналарын сәбилерінің дүниеге келуімен құттықтады. Салтанатты түрде Туу туралы куәліктер табыс етілді.
Айнұр БАҚДӘУЛЕТҚЫЗЫ
350 рет
көрсетілді0
пікір