- Мәдениет & Спорт
- 24 Қыркүйек, 2020
Өнер мен мәдениет – достық дәнекері
Қазақстан Республикасы Мемлекеттік орталық музейі 15 жыл бойы Алматы қаласындағы Қытай Халық Республикасының Бас консулдығымен ынтымақтастықты жалғастырып, мәдени байланыс аясында Қытай тарихы, мәдениеті мен өнері бойынша бірлескен жобаларды іске асырып келеді.
Осыған орай, ҚР орталық музейі Қытай Халық Республикасының Бас консулдығымен халықаралық ынтымақтастық аясында көрермендер назарына «Қытай халықтарының ұлттық мерекелік киімі» онлайн-көрмесін ұсынды. Онлайн-форматта алғаш рет ұсынылып отырған фотокөрме музейдің мәдени-білім беру жұмысының жаңа нысаны болып табылады, ол онлайн-көрермендерге Аспанасты мәдениетінің алуан түрлілігімен танысуға мүмкіндік берді. Фотокөрме Аспан асты елі мәдениетінің алуан түрлілігін, ондағы ұлттардың бірлігін, олардың шынайы сұлулығы мен үйлесімділігін толықтай көрсетуге арналған. 58 шығармадан тұратын «Қытай халықтарының ұлттық мерекелік киімі» онлайн-көрмесі қазіргі Қытайда тұратын әртүрлі халықтардың бай материалдық мәдениетін көрсететін фотосуреттер жиынтығымен таныстырды. Аталмыш фотосуреттер халықтардың нақты тұратын аймағына, жынысына (әйелдер мен ерлер костюміне), мақсатына байланысты киімнің ерекшеліктерінен мәлімет берді.
Костюм тарихы ежелгі заманнан бері адамзаттың өткенін бейнелейтін айна іспеттес. Әр ел, әр халық өз дәстүрлерімен адамдардың киіміне, костюм кию ережелерінде із қалдырады. Костюм арқылы ұрпақтан-ұрпаққа өмірлік даналықты, дүниетанымды, моральдық мұраттар мен эстетикалық талғамды жеткізуге болады. Қытай Халық Республикасы – көпұлтты ел, оның аумағында 56 түрлі ұлт өкілдері, атап айтқанда, хань, тибет, моңғол, хуэй, ұйғыр, қазақ, маньчжур, чжуан және т.б. тұрады.
Айжан ЖАСБАТЫРҚЫЗЫ
176 рет
көрсетілді0
пікір