- Бизнес & Қоғам
- 25 Ақпан, 2021
Уақытша жұмыс істемейтіндер саны екі есе артқан
Өндірістің тоқтап қалуы жұмыспен қамтылуды қиындата түскен: ірі және орта кәсіпорындардың тоқтап қалуға мәжбүр болуы себебінен уақытша жұмыс істемейтін қазақстандықтардың саны өткен жылы бірден екі есеге өскен. Уақытша жұмыс істемеуге мәжбүрлердің жартысы еліміздің үш аймағында ғана: Алматы қаласы, сондай-ақ Маңғыстау және Алматы облыстарында қоныстанғандар екен. Бұл туралы Finprom.kz өз сайтында жазады.
2020 жылдың төртінші тоқсанында елдегі орта және ірі кәсіпорындарда өндірістің тоқтап қалуына байланысты 7,5 мың адам – бұдан бір жыл бұрынғыға қарағанда 2 есе көбірек – жұмыс істемеген. Сонымен қатар, өткен жылдың екінші тоқсанымен салыстырғанда өндірістегі іркіліс 1,5 есе қысқарса, негізгі карантиндік шектеулер үлесіне тиген, үшінші тоқсанда – 4,4 есе қысқарыпты.
Анықтама үшін айтар болсақ, «карантинге дейінгі» 2019 жылдың төртінші тоқсанында 3,8 мың адам елімізде жұмыссыз болған (1-инфографика).
Аймақтарға бөлгенде уақытша барлық жұмыс істемейтіндердің жартысы Алматы қаласының, сондай-ақ Маңғыстау және Алматы облыстарының орта және ірі кәсіпорындарында жұмыста болғандар екен. Нақ осы жерлерде, кәсіпорындарының тоқтап қалуы салдарынан, жұмыс істемеген қызметкерлер санының неғұрлым көбірек өсімі тіркелген. Мәселен, Алматыда соңғы жылда көрсеткіш 7,6 есе артса, яғни, 1,8 мың адамға дейін, Маңғыстау облысында – 5 есеге, 1,2 мың адамға, Алматы облысында – 4,4 есе, 813 адамға дейін артқан.
Уақытша жұмыс істемейтіндердің барлық аймақтардағы өсіміне қарамастан, кейбір облыстар мұндай жағдайдан аман қалған. Мысалы, Солтүстік Қазақстан облысында көрсеткіштің 62,6%-ға, 174 адамға дейін төмендегені, Түркістан облысында – 19%-ға, 459 адамға дейін, Шығыс Қазақстан облысында – 6,4%-ға, 393 адамға дейін төмендепті (2-инфографика).
Салаларға бөліп қарастырғанда, уақытша жұмыс істемеген қызметкерлердің жартысы өнеркәсіптік секторға қатысты қызметкерлер: 3,7 мың адам, бір жыл бұрынғыға қарағанда – 33,1%-ға қатысты адамдар. Қызметкерлердің тағы 22,9%-ы көлік пен қоймалау саласындағылар: 1,7 мың адам – бір жыл бұрынғыға қарағанда, бірден 49,2 есе көбірек. Құрылыс саласы да зардап шеккен: 643 адам, бір жылда минус 20,8% (3-инфографика).
Иса ҚАМБАР
958 рет
көрсетілді0
пікір